محمد الباز: "مينفعش تلوم أو تعاتب الناس اللي بتشتري الفلل"

قال الإعلامي محمد الباز إن إقبال عدد من المواطنين الأغنياء على شراء فيلات في الساحل الشمالي، تقترب سعر الواحدة فقط لـ115 مليون جنيه أمر طبيعي، لأن هناك أغنياء وفقراء في كل دول العالم، ومن بينها مصر.

أضاف “الباز” خلال برنامجه “آخر النهار”، مساء الأحد، المُذاع على قناة “النهار”: “لما نبص مصر كدولة زيها زي أي دولة فيها مواطنين معندهمش دخل أصلا، وناس معاها ملايين، ودخلها الشهري ممكن يوصل لـ 100 مليون جنيه”.

نرشح لك: محمد الباز يستعرض اتهامات بالسرقة حول أغنية “لو بإيدي” لـ أحمد سعد

لفت إلى أن البعض ينصح بعد تناول تلك الأخبار، المتعلقة بشراء الفيلل بتلك الأسعار، لأنها تغذي الحقد الطبقي. مردفا: “هنا لا بد من وقفة مع أنفسنا، في فرص لكل الناس تشتغل وتكسب، آه فيه، وكل واحد من اللى راحوا يشتروا الفيلل، أكيد ناس تعبت عشان تجيب فلوس، متقدرش أنت تعارضه أو تحجر عليه أو تلوم على صاحب المشروع أنه بيعمل فيلا بـ 115 مليون”.

أكد “الباز” أن البعض ركز على مشهد شراء الفيلل من باب ذرع نوع من الفتنة الاجتماعية في البلد، وكأن ما يحدث أمر غير طبيعي.

أردف: “في حاجات كتير في مصر بتحصل وضعها وشكلها طبيعي، لكن أحيانا بعض الناس تتعامل على أنها مش طبيعية ومينفعش تحصل في مصر، لكن لو بصينا للصورة كلها على بعض، هتلاقي إحنا مجتمع فيه فئات وطبقات، لكن لازم نبص أن يكون في حماية للطبقات الفقيرة، في نفس الوقت مينفعش تلوم وتعاتب الناس اللى رايحة تشتري الفلل دي”.