"رجعت العربون".. عمر كمال يوضح سبب تراجعه عن التمثيل

شروق عبد الحميد

قال المطرب عمر كمال، إنه لا يقدم نوع معين من الأغاني بل يحاول أن يقدم كل ما يعجب الجمهور ويفضله، مشيرا إلى أنه يفضل إنتاج أغانيه بنفسه.

أوضح “كمال” خلال لقائه في برنامج “it’s show time” عن أسباب إنتاجه لأغانيه: “بشوف نفسي في الإنتاج لما أي شركة تانية بتنتجلي ممكن تفرض عليا مخرج معينـ ممكن تفرض عليا حاجات تانية فمبحطش فكري بصراحة”.

نرشح لك: مقاضاة عمر كمال بسبب استغلال أغنية أم كلثوم

تابع: “لكن أنا في إنتاجي براحتي أجيب المخرج اللي أنا عاوزه وأصور في اليوم إللي عاوزه، وأشيل وأحط في الأغنية زي مانا عاوز وأحطها على اليوتيوب على قناتي ببقى أنا على حريتي خالص”.

فيما قال عن تراجعه عن التمثيل بعد ظهوره الأول في مسلسل “بين السما والارض”: “كان فيه مشاريع بس أنا عطلتها، أنا شايف أنه أنا عاوز أثبت نفسي في الغنا، ممكن جدا ماكنش مقبول فأنا عاوز أعمل أرضية كبيرة في الغنى الناس تحبني وتقبلني أوي وبعد كده أبقى أفكر في التمثيل، لكن أنا شايف أنه لسه بدري أوي عليا في التمثيل علشان كده وقفت ورجعت العربون اللي كنت واخده”.

وعن أعماله المقبلة، كشف عن طرحه لأغنية جديدة تظهر بفيلم “خطة مازنجر” وهو فيلم كوميدي يقوم في بطولته الممثلة ​ياسمين رئيس​ إلى جانب الممثل حمدي الميرغني​، بيومي فؤاد، أوس أوس، سماء إبراهيم، محمود حافظ، مصطفى سعفان، إسماعيل فرغلي، محمد رضوان وياسر الطوبجي ، وهو من تأليف الثلاثي وليد خيري ومحمد إسماعيل وبيبو.

يذكر أن المطرب عمر كمال قد أعلن عن عدم استعانته براقصات في أعماله الغنائية المقبلة، بعد تعرضه لموجة من الانتقادات السلبية من قبل جمهوره بعد استعانته بالراقصة الاستعراضية أوكسانا في فيديو كليب “ضيعنا”.
صرح عمر كمال قائلا: “أوكسانا فوق راسي، إنسانة كويسة ومحترمة، وده شغلها، بس ممكن الناس مش متقبلة ده، وعشان كده قررت أبعد عن ده خالص”.