"ربنا جابلك مرض مستني إيه تاني!".. رامي جمال يرد على هجوم متابع
شدوى ممدوح رامي جمال
رد الفنان رامى جمال على هجوم أحد متابعي صفحته على موقع “يوتيوب“، بعد أن كتب: “يا أخي أنا مش فاهم يعني ربنا جابلك مرض وعانيت منه كتير أوي، وبعد ما ربنا شفاك راجع بردو تغني وأنت عارف إن الغنا حرام.. أنت مستني يحصلك ايه تاني؟“.
نشر “جمال“ صورة تتضمن تعليق المتابع له عبر حسابه الشخصي على موقع تبادل الصور والفيديوهات ”إنستجرام”، وكتب: “بص يا سيدي أنا ربنا رضاني والحمد لله لسه الابتلاء زي ما هو بس لو عاوز الحقيقة أنت اللي محتاج علاج من كلامك اللي زي الرصاص، لو أنا غلط في حاجة تعتقد إن طريقتك دي صح؟“.
نرشح لك: استمع.. أغنية “عارفة قيمتي” لـ أنغام
مضيفا: “أنا للأسف كنت بشوف آراء الناس الإيجابية، والنقد البناء واللي طمعانين في حاجة أفضل لأن دايما في أفضل طبعا فشوفت كلامك على الصبح ومش هقولك غير ربنا يسامحك على القسوة وأنا واثق إنه مش حب، واللي هيحاسبنا ربنا يا عالم مين أحسن من مين، وكلنا بشر مش أنبياء ممكن نخطئ ونصيب والهداية من رب العالمين.. يومك أجمل من قلبك إن شاء الله“.
View this post on Instagram
كانت قد طرحت شركة “نجوم ريكوردز” أجدد أغاني الفنان رامي جمال بعنوان “أدبتنا الدنيا”، على قناتها الرسمية على موقع “يوتيوب”، أمس.
“أدبتنا الدنيا” من كلمات إبراهيم جاد، وألحان محمد أنيس، وتوزيع موسيقى وسام عبد المنعم، وإنتاج شركة “نجوم ريكوردز“.
كما طرحت “نجوم ريكوردز” أغاني أخرى للفنان رامي جمال من أحدث ألبوماته، منها أغنية “شوفت الحقيقة”، وأغنية “قمر“.