حورية فرغلي: كنت سبب من أسباب نجاح محمد رمضان
قالت الفنانة حورية فرغلي، إنها الله هو سبب حب الجماهير للفنان محمد رمضان، وأنها كانت سبب من أسباب عديدة لنجاحه، موضحة أنها تعلم رحلة كفاحه منذ أن عملا معا في مسلسل “دوران شبرا”.
أضافت “فرغلي” خلال حوارها في “ET بالعربي“، أنها لم تكن منزعجة من الفنان محمد رمضان، وأنه تواصل معها وأخبرته أنها ليست منزعجة منه، لافتة: “كلمني وقال بيقولوا إنك زعلانة مني؟ قلت له ليه يا حبيبي هزعل منك ليه؟ قلت له ما أنت بتكلمني أهو رديت عليك أهو، دا أنا مشوفتكش من ساعة قلب الأسد، ولو زعلانة هقولك”.
نرشح لك: حورية فرغلي: مش ندمانة على أغنية “القطة السافلة”
أشارت: “مين أنا عشان أعمل محمد رمضان، هو أنا ربنا، ربنا هو اللي عمل محمد رمضان ربنا هو اللي حبب تلات أربع الشعب المصري في محمد رمضان أنا كنت سبب من أسباب نجاح فيلمه، بس هو نجم كبير، وعمل نفسه، وأنا عارفة رحلة كفاحه من أول دوران شبرا لحد دلوقتي”.
فيما وجهت “فرغلي” نصيحة للفنان محمد رمضان قائلة: “خف شوية يا محمد تصرفاتك حاول تفكر فيها مبيبقاش قاصد حاجة معينة والناس تقلبها ضده، لأن هو اللي في قلبه على لسانه”.
يشار إلى أن آخر أعمال الفنانة حورية فرغلي، مسلسل “أيام” من بطولتها مع رياض الخولي، وشيري عادل، وسلوى خطاب، وأحمد صفوت، ورشدي الشامي، وتأليف سماح الحريري، وإخراج محمد أسامة.