حنان مطاوع: السعادة قرار

شدوى ممدوح

قالت الفنانة حنان مطاوع، إن السعادة هي قرار الإنسان، لافتة إلى أنها دائما ما تُذكر نفسها بالنعم التي تمتلكها حتى تظل سعيدة.

أضافت “مطاوع“ خلال مداخلة هاتفية لها مع برنامج “الستات ما يعرفوش يكدبوا“، المذاع عبر قناة “cbc“: “بفكر نفسي ديما بالنعم اللي عندي ومش بحاول أخدها أمر مُسلم لأني اكتشفت إن كل يوم بيحصل للإنسان فقد في حاجة كانت عنده زمان ومحسش بيها غير لما فقدها، فبقيت ممتنة لأي حاجة عندي حتى لو بسيطة زي إني قادرة أبلع أو أمشي“.

نرشح لك: في عيد ميلاده.. فيديو طريف يجمع عمرو وهبة بنجله يحيى

تابعت أنها تشعر بالامتنان كذلك لوجود كل من والدتها وابنتها بجانبها، وكذلك زوجها، مشيرة: “كل ما أفقد حاجة واتنرفز بفكر نفسي على طول بالحاجات الكتير أوي اللي موجودة ومش حاسة بيها لمجرد إني فقدت حاجة قدام نعم كتير ربنا مديهالي“.

وعن التقلبات المزاجية التي تصيب بعض السيدات في كثير من الأحيان، قالت “مطاوع“: “ممكن تكون الست تعبانة أو عندها تغيرات هرمونية أو يكون في حاجة فعلا وجعاها في جسمها، في حاجات غير مرئية بس فكرة إن الواحد يهدى ويحاول يفكر نفسه بالحاجات الكويسة بتخليه كويس“.

أردفت أنها لا تضايق من كلام بعض الجمهور على الفنانات كونهن يظهرن دائما في أحسن صورة أو قد يبدو عليهن أنهن لا يعانين من المشاكل، مشيرة: “هم كمان كده كل واحدة بتلبس أحلى ما عندها عشان تقابل الناس وبتحاول تنسى مشاكلها وتتبسط، مين فينا لنا بيجي ياخد صورة حتى لو كانت لسه بتعيط مش بتضحك؟، مشكلة الممثل إنه تحت الأضواء على طول وجزء من شغله بيكون صوره“.