أحمد موسى عن ترشيد الكهرباء: بلاش فرح العمدة في البيت

ترشيد الكهرباء
هدير عبد الوهاب

طالب الإعلامي أحمد موسى بالترشيد في استهلاك الكهرباء للتوفير في أسعارها وللحد من حدوث الحرائق، منوها على ضرورة فحص واصلات الكهرباء دائماً.

حذر “موسى” مساء الأربعاء خلال برنامج “على مسئوليتي” المُذاع عبر شاشة “صدى البلد”، من تشغيل الأجهزة الكهربائية في توقيت واحد، إذ أنها السبب الرئيسي في حدوث الماس الكهربائي والحرائق، حيث إنها تؤثر على شبكة الضغط، مشيرا إلى عدم استخدام السخانات في فصل الصيف، والاكتفاء باستخدام البوتاجاز بدلاً من الغلاية الكهربائية.

أردف: “بدل ما اشغل أربع أو خمس تكيفات، أشغل واحد أو اتنين، بلاش الفترة دي الغلاية بلاش نشغل الغلاية والتكييف وكله في وقت واحد، يؤدي لمشاكل كتير ويسبب ماس كهربائي، في بعض المناطق في أسر بيشتركوا مع بعض في تلاجة واحدة، فيه 3 أسر بيشتركوا في شقة واحدة وبيبقى عندهم تلاجة واحدة وحمام مشترك وبوتاجاز مشترك مش كل الناس عندها تكييف”.

نرشح لك: كامل الوزير يعلن زيادة أسعار تذاكر السكة الحديد والمترو

استطرد: “في بعض الناس والله بتشغل تكييفات البيت كله وهو ولا قاعد في أوضة منهم، ليه بنفتح 5 أجهزة تلفزيون في بيت واحد طب ما تتفرجوا مع بعض على تلفزيون واحد، بلاش ننور كل البيت بلاش فرح العمدة في البيوت اللى بيسبب ماس كهربائي وحرايق”.