هدى المفتي: أنا مش مرتبطة.. وهذه مواصفات فتى أحلامي

قالت الفنانة هدى المفتي إنها لا تحب الحديث عن حياتها الشخصية، وتنزعج ممن يتدخلون في حياتها بشكل غير لائق، لا سيما عند السؤال عن تفاصيلها العاطفية.

أضافت هدى، خلال حوارها مع الإعلامية منى الشاذلي في برنامج “معكم منى الشاذلي” على قناة cbc، أنها ترفض التدخل في خصوصياتها، وتتعامل على السوشيال ميديا فيما يخص عملها فقط، قائلة: “أنا بتكسف أعمل فيديوهات، بحب أبقى مبينة حاجات عن شغلي أكتر وحاجاتي العادية صورة حلوة أو ليها ذكرى معينة.. لكن مبحبش حد يتدخل في حياتي زيادة عن اللزوم بطريقة مبالغ فيها ولا بطريقة غير لائقة، بيبقى في ناس بتسأل أسئلة محرجة في حاجات مش خاصة بيهم زي الحياة العاطفية”.

نرشح لك: هدى المفتي عن مشاركتها بـ 3 أفلام في عيد الأضحى: صدفة بحتة

أوضحت هدى المفتي أنها ليست مرتبطة حاليا، وليس لديها مواصفات لفتى أحلامها، ولكن لديها صفات معينة، لافتة إلى أن هناك فارق كبير بينهما، قائلة: “معنديش مواصفات لفتى الأحلام أو للشخص أنا عندي صفات عاوزاها وصفات مش عاوزاها.. وفي فرق كبير بين المواصفات والصفات.. يعني أنا آخر حاجة ممكن أفكر فيها هي شكله أو كلامه أو طريقة لبسه.. المظاهر ما بتفرقش معايا خالص، لكن يفرق معايا بس أخلاقيات الإنسان وروحه.. دي الحاجة اللي تشدني أوي.. والأهم إنه يكون شخص مبينتقدنيش ولا بيقلل مني”.

تابعت: “أنا مش مرتبطة حاليا.. ومبحبش الراجل اللي أي واحدة تعجبه.. ده رعب.. بحب الراجل اللي واحدة بس هي اللي تشده.. لأن أنا إنسانة رومانسية وحساسة جدا.. ولما بحب بحب أوي وبحب الإنسان بيعوبه.. ليه أغير إنسان ما اسيبه وأروح لحد تاني لو مش حاباه ولا حابه عيوبه”.