سبب دراسة عمرو سلامة للتجارة بدلا من الفنون
تحدث المخرج عمرو سلامة عن سبب دراسته للتجارة، وابتعاده عن دراسة الفنون، موضحًا أنها لم تكن رغبته، ففي البداية كان يريد الالتحاق بكلية الفنون الجميلة، لكن أسرته رفضت ذلك بشدة، فالتحق بكلية التجارة، لكن في الوقت ذاته لم يتخل عن أحلامه بتعلم الفنون.
أضاف سلامة، في حواره مع الإعلامية شافكي المنيري في برنامج “التاسعة“، على القناة الأولى المصرية، أنه كان منشغلا وقتها بفكرة أعمال الكارتون ثلاثية الأبعاد، وكان يود دراستها، لكن أسرته لم تتفهم الأمر، قائلا: “مدخلتش معهد سينما.. لأن وقتها كان حلمي ادخل فنون جميلة لأن كنت مشغول بأفلام الكارتون والحاجات ثلاثية الأبعاد وشايف إنها حاجة مش موجودة في مصر زي ما كنت مبهور بشركة بيكسار فكان نفسي اتعلم الانيميشن”.
نرشح لك: موقف ريهام عبد الغفور من رفض بعض الفنانين للتلامس
تابع: “أهلي رفضوا جدا لأن مكنوش فاهمين إيه ده أصلا.. فقررت إن أنا اتعلمها بنفسي .. كنت بجيب الكتب اللي بيدرسوها برا واعلمها لنفسي لدرجة إني اتعلمت انجليزي عشان أفهمها وبعدين دخلتني شوية بشوية للسينما.. لحد ما اتعلمت كل حاجة عاوز اتعلمها بنفسي”.
اختتم عمرو سلامة حديثه قائلا: “آه أنا مدخلتش معهد السينما أو أكاديمية الفنون بس براهن دايما إني ذاكرت مذاكرة أضعاف اللي كان عاوز يدخل امتحان.. أنا شايف نفسي مجتهد في إني علمت نفسي بأكتر شكل بحبه وهيفيدني”.