جيهان قمري عن ياسمين صبري: ناجحة في التريند مش التمثيل

هاجمت الفنانة جيهان قمري، مشاركة الفنانة ياسمين صبري لصورٍ تُظهر فيها رفاهيتها على “إنستجرام”، لافتة إلى أن نشر صور في طائرة خاصة، أو صور حقائب أو أحذية من ماركات عالمية أمر غير مقبول.

أضافت “قمري” خلال حلولها ضيفة على الإعلامية راغدة شلهوب، في برنامج “نص الكلام” المذاع على فضائية النهار، أن الفنانة ياسمين صبري ليست ممثلة بارعة، وينقصها الكثير من التدريب على التمثيل، حيث إنها لا تمتلك مشاعر أو تعبيرات تمثيلية متقنة، ولا تشعر بالدور الذي تقدمه.

نرشح لك: غادة رجب: كرست حياتي لـ ابنتي

أردفت، أن هجومها عليها ليس بدافع الغيرة، ولكنها تعتبر نشر كل تفاصيل حياتها المرفهة على السوشيال ميديا أمر غير مقبول ومبالغ فيه، نظرًا لأن الأوضاع الاقتصادية في العالم العربي كله غير مستقرة، وأن البعض لا يمتلكون قوت يومهم، متسائلة ما الهدف من عرض تلك الصور عليهم؟

أوضحت: “الترند هو إني أطلع في طيارة خاصة ولابسة سينيه؟ مش هو ده الفن، في ناس مش لاقية تاكل، الأيام دي بالذات الوضع الاقتصادي في الوطن العربي مش حلو، في ناس تانية مش لاقيين ياكلوا، بنتصور في خروجة وكده أوك، لكن مش كل نفس أصوره، ده أوفر، وده لأن مفيش شغل فبتسلى، وهي ياسمين ناجحة في موضوع الترند ده، لكن مش بشوفها ممثلة هي موديل وملكة جمال لكن ممثلة لأ، هي محتاجة تشتغل على نفسها”.

أردفت: “شيلي منها الفلوس مش هتلاقي حاجة، حتى لو جميلة، الجمال مبيعملش نجومية، هي بطلة لأن حاليا مفيش مقياس للبطولة، مش لازم تبقي ممثلة جامدة عشان تقعدي في البيت، الضروري الحاجات اللي حواليكي، رأس المال اللي يخليها بطلة، وتبقى حمارة اللي تتاح لها فرصة البطولة ومتستغلهاش”.

أكدت أنها يجب أن تدرب نفسها على التمثيل لأنها “فلات” فهي في حاجة لتتعلم التعابير والإحساس في الدور، لأنها تفتقد ذلك الأمر.