سميرة عبد العزيز: "ممثلين دلوقت واخدين الفن فلوس"
قالت الفنانة سميرة عبد العزيز، إنه في رأيها ممثلين الجيل الجديد يهتمون بالمقابل المادي عوضا عن اهتمامهم بالعمل نفسه ودورهم به.
تابعت خلال لقائها مع برنامج “وشوشة“، المذاع عبر شاشة “النهار”: “بتوع زمان كانوا واخدين الفن حب، لكن بتوع دلوقتي واخدين الفن فلوس وأول حاجة يسألوا عليها هتدفولي كام، مبقاش اهتمامهم بالعمل نفسه وإنه يتقنه إزاي ويشتغل على دوره إزاي زي ما كنا إحنا بنعمل”.
نرشح لك: “اشتغلي لغاية روحك ما تطلع”.. سميرة عبد العزيز تكشف عن وصية زوجها
أضافت: “الفن يقود المجتمع ويقوم ما يحدث به، والفن لو معدلش السلوكيات الغلط اللي بتحصل يبقى هو خطأ، لأن واجبه إصلاح المجتمع يعني لو في نموذج بلطجي لازم أوري نتيجته السيئة للجمهور عشان المتفرج يعرف إن الغلط نتيجته غلط”.
أردفت: “أنا لازم أختار الدور اللي يناسبني شكلا ونفسيا، ومش بقول أنا مش عاوزة الدور ده، لأ بقول ده ميناسبنيش”.
في سياق منفصل، كشفت الفنانة سميرة عبد العزيز، عن رأيها في مسرح مصر، معلقة: “تجربة “مسرح مصر” أنا شايفة أنها ضرت شبابنا، لأنه بيقدم اللي بيرقصوا، لأني مبحبش الرجالة اللي بيرقصوا. الكوميديا دي انا مروحش أتفرج عليها.
وعن رأيها في أغاني المهرجانات أيضا، أوضحت: “شايفة أنها مؤذية للشباب، يعني بدل ما يسمع عبد الوهاب وأم كلثوم وعبد الحليم حافظ، والناس اللي عملت أغاني محترمة، بيسمعوا هبل! لما بلاقي أحفادي مشغلينها بقولهم إيه الهبل دا، شغل عبد الحليم، وانقله أغاني عبد الحليم حافظ على موبايله”.
