موقف محمود سعد من التنمر على شيرين عبد الوهاب
دافع الإعلامي محمود سعد عن الفنانة شيرين عبد الوهاب بعد حملات التنمر التي تعرضت لها في الآونة الأخيرة، خاصة بسبب زيادة وزنها، والحالة النفسية الصعبة التي مرت بها عقب انفصالها عن زوجها حسام حبيب.
أكد سعد في لايف عبر حسابه على تيك توك، أن من يتنمر على شيرين عبد الوهاب شخص متوحش بالتأكيد، لأن السخرية من آلام الناس أمر مخجل، مضيفا: “من يتنمر على شيرين يبقى شخص متوحش، مش لأنها شيرين المغنية لأ لأنها مواطنة مصرية إحنا بنحبها، والعرب اللي بيحبوا الغنا كلهم بيحبوها وهي سيدة بتمر بمحنة، أعتبرها مبتغنيش بقي خالص ولا هي معروفة اعتبرها جارتك بتمر بمحنة هتعمل معاها ايه؟ لازم نقف جنب بعض”.
نرشح لك: شيرين: رفعت شعار لا حياة مع الحب.. فلتسقط الرجالة
تابع: “ضيف على ذلك إن الست دي بتغني غنا بنطرب بيه ونستمتع وصوتها جميل جدا.. أنا رأيي إن شيرين لسه مغنتش لسه هتغني حلو كتير أوي أوي.. شيرين دي من الحاجات الحلوة في مجتمعنا العربي اللي بتقدم لنا حاجات تسعدنا.. فتيجي أنت تتنمر عليها عشان جسمها تخن شوية أو عشان مرت بظروف مش عارف ايه.. طب ما كلنا بنمر بالحاجات دي”.
اختتم محمود سعد تعليقه بأن التنمر في حد ذاته أمر مخجل لصاحبه، قائلا: “التنمر ده شيء مخجل أصلا.. معرفش الواحد يتنمر على حد ويرحع بيته يعرف ينام ازاي!”.