6 تصريحات لـ محمد الشرنوبي.. أبرزها عن البخل والخوف من الكلاب

حل الفنان محمد الشرنوبي، ضيفا في الحلقة الأولى من برنامج “ساحل ومسحول” مع “Gossips”، وتحدث خلال الحلقة عن ذكرياته مع المصيف، وما إذا كان بخيل مع أصدقائه أم لا، وكذلك حبه لمدينة نويبع.

وفيما يلي أبرز تصريحاته:

1- المصيف قديما كان راحة من ضغط الدراسة والنوم مبكرا، أما الآن فهو راحة من ضغط مختلف،
الضغط الذي يكون بيدي، لأن الشخص عندما يكبر يكون أهدي.

نرشح لك: رأي محمود سعد في تجديد الخطاب الديني

2- “أي عصير فاكهة بعمله حلو.. وفي حركة صايعة جدا في الفاكهة، أي فاكهة قطعيها وحطيها في الفريزر قبل ما تعمليها عصير عشان تبقى ساقعة من غير تلج وميبقاش خفيف وفي نفس يبقي ساقع كده”.

3- أحب السفر إلى مدينة نويبع لأنها هادئة جدا، وبها سلام نفسي غير موجود على كوكب الأرض، مضيفا:” أنا سافرت شوية حلوين يعني بس لا نويبع مفيش زيها.. هي في عز الصيف بتبقى حر أوي بس أنا معنديش مشكلة بس صحابي عندهم مشكلة، فمش هروح لوحدي، فبستني آخر أو أول الصيف، ومؤخرا بقيت بحب الساحل الطيب”.

4- أنا لست بخيلا، ولكني أحب الأكل لدرجة كبيرة فعندما أكون جائعا لا أحب أن يأكل معي أحد، موضحا: “أنا مش بخيل خالص، في الأكل ممكن أبقى دني شوية، بحب الأكل للدرجة دي يعني.. اللي هيقرب من أكلي هدبحه وأنا جعان بس، لو جعان عادي ببقى كريم وبحب صحابي ياكلوا معايا، بس لما أبقى جعان أوي اللي هيجي جنب طبقي هقطع له إيده”.

5- “كنت بعمل حاجات غريبة جدا وأنا صغير، كنت اشتري كيس مخلل وأفضل أكل منه، فدا مش طفل ودي مش حاجة ممكن يعملها طفل في نفسه، وليه واحد في الصيف بيعمل كده بيربي حصاوي مثلا، أي العبط ده، بس أنا دلوقتي مبقتش أعمل كده”.

6- “عندي حاجة غبية جدا، مبخافش من الكلاب الجيرمان شيبرد عشان أخويا كان عنده النوع ده وأنا صغير، باقي الأنواع اللي شكله كيوت تمام، اللي شكله غبي مبحبوش، طبيعي كائن شكله غبي هحبه لي”.

يذكر أن الفنان محمد الشرنوبي شارك في السباق الرمضاني الماضي بمسلسل “فاتن أمل حربي”، بطولة نيللي كريم، شريف سلامة، هالة صدقي، محمد ثروت، خالد سرحان، فادية عبد الغني، جيلان علاء، محمد التاجي. من تأليف إبراهيم عيسى في أولى تجاربه في الدراما وإخراج ماندو العدل وإنتاج شركة العدل جروب للمنتج جمال العدل.