هبة قطب توضح سبب خوف أغلب الشباب من الزواج

قالت الدكتورة هبة قطب، استشاري الصحة الجنسية والعلاقات الأسرية، إنه في رأيها السبب خلف عدم رغبة أغلب الشباب في الزواج، هو عدم رغبتهم في تحمل المسئولية.

تابعت “قطب” خلال لقائها مع الإعلامي عمرو أديب في برنامج “الحكاية“، المذاع عبر شاشة “mbc مصر”: “في دلوقت ظاهرة فظيعة إن الولاد مش عاوزين يتجوزوا لأنهم مش عاوزين يشيلوا مسئولية، وده بسبب الناس اللي بتخاف على ولادها من المسئولية وبتربيهم على ده، دول غلطانين جدا لأن الولد ده لما يكبر ويبقى “شحط” هيبقى حمل تقيل على أسرته.. عشان كده بقول اللي بيعمل كده هيبقى بيضيع نفسه وولاده”.

نرشح لك: المفتي: الخلافات بين الزوجين ينبغي أن تُعالَج في الغرف المغلقة

أضافت: “بقى في مجالات للشغل دلوقت للولاد حتى من وهما طلبة زي خدمة العملاء، وفي حضانات بقوا بيعينوا بنات صغيرين من وهما عندهم 15 سنة، أنا مثلا اللي ماسكالي السوشيال ميديا بتاعتي بنوتة صغيرة لسة في الثانوي، وفيه ولاد قابلتهم في ثانوي بينظموا حفلات أعياد ميلاد الأطفال”.

 

كما علقت على إشكالية قيام الرجل أو المرأة بالأعمال المنزلية بعد الزواج: “مفيش حاجة بتقول إن الست اللي لازم تطبخ بدليل إن الشيفات كلهم رجالة، رغم إني على فكرة بعرف أطبخ كويس جدا وبحب أشوي وأتبل، لكن الطبخ مش وظيفة نسائية.. يعني جيل بناتي دلوقت بيقولوا عاوزني أطبخ؟ عنيا الاتنين بس أنت كمان تطبخ، مبتعرفش؟ يبقى أنا كمان مبعرفش ونطلب أكل من برة”.

 

هبة قطب

برنامج الحكاية رئيسية عمرو أديب نيوز ليتر هبة قطب هبة قطب توضح سبب خوف أغلب الشباب من الزواج