إيساف يكشف سبب غيابه الفني

إيساف يكشف سبب غيابه الفني
علق المطرب إيساف، على أزمة الفنانة شيرين عبد الوهاب والفنان حسام حبيب، أنه في رأيه لا يجب أن تخرج المشاكل الشخصية للعلن، كما كشف عن سبب غيابه الفني لفترات طويلة.

قال “إيساف” خلال لقائه مع الإعلامية راغدة شلهوب في برنامج “نص الكلام“، المذاع عبر شاشة “النهار”: “أنا مش دوري إني أحكم عليهم، لكن أنا زعلان إن هما الاتنين كانوا قصة حب ودلوقتي بقوا مشكلة كبيرة في العلن، أنا من الناس اللي مبتحبش كده خالص والمفروض لو حصل بينا اختلاف أو خلاف ولا أطلع أصرح بحاجة ولا أتكلم عن حياتي الشخصية، فأنا لا هتعاطف مع شيرين ولا مع حسام.. وبقول ربنا يهديهم”.

نرشح لك: هبة قطب توضح سبب خوف أغلب الشباب من الزواج

وعن عودة أمال ماهر للغناء مؤخرا، علق: “طول عمري بحب صوتها، حتى لما غابت قبل كده مش الفترة اللي فاتت بس، وقلت قبل كده إن كان واحشني صوت أمال ماهر وبهاء سلطان ولؤي، لأني مش مؤمن بجملة عدوك ابن كارك، بالعكس أنا فنان ولما بيقف جنبي واحد صحبي بيغني حلو بيخليني أنا كمان أغني حلو”.

وعن غيابه الفني، أردف: “كان في فترات تأخر وعشان أكون صريح أنا كنت السبب فيها، بس أنا مش إنسان مغرور.. أنا إنسان واثق في نفسه، وكمان أنا إديت لنجومية المجتمع حق أكبر من نجومية الفن، وده بدأت أغيره وبدأت أفلتر كل ده بقالي أربع سنين، ولما بقيت أتفرج على نفسي في آخر 10 سنين بقول إيه العبط ده!”.

استطرد: “أنا مكنتش مهتم إني أختار أغنية وأسجلها وده كان غلط كبير، والحمدلله إن ربنا ألهمني الفوقة من الغفلة دي، وكان في كمان مشاكل إنتاجية”.