حسين فهمي يكشف سبب تكريم لبلبة في الدورة المقبلة لـ مهرجان القاهرة
سبب تكريم لبلبة في مهرجان القاهرة
شدوى ممدوح
قال الفنان حسين فهمي، رئيس مهرجان القاهرة السينمائي الدولي، إن معايير اختيار المكرمين في مهرجان القاهرة في دورته الـ 44 تمت على أساس دراسات محددة.
ظهر “فهمي“ في فيديو عبر الصفحة الرسمية لمهرجان القاهرة، على موقع “يوتيوب“، وأشار إلى: “إحنا مش بنختار لمجرد الاختيار، لما نمسك مخرج كبير زي تار هو هيجي يدي كلاسيس في مصر فكل صناع السينما مهتمين بده ومبهورين إنه هيكون موجود“.
نرشح لك: لبلبة.. أرقام في مسيرة حافلة
أضاف: “اختيار المكرمين بيتم عن دراسة، وكاملة أبو ذكري قدمت كتير في الفترة الأخيرة هي مخرجة متميزة جدا بعملها ومهم أوي تحصل على تكريم، واللجنة وافقت عليها بالإجماع، والفنانة لبلبة بتشتغل في السينما من وهي عندها 5 سنين وليها تاريخ حافل عملت 88 فيلم وأخدت جوايز أحسن ممثلة على أعمال كتيرة“.
تابع أن الدراسة تتم على أساس الأعمال التي قدمها الفنان، لافتا: “لما قررنا قبل كده نكرم العاملين في الكوميديا اخترنا فؤاد المهندس لأنه عمل أكبر عدد أفلام وبالتالي تم الاختيار على الأساس ده، ومحمد عبد العزيز كان أكتر مخرج عمل أفلام كوميدي وكان هيتم اختيار فطين عبد الوهاب، لكن لما عملنا الدراسة لاقينا إن محمد أعماله أكتر“.
أضاف: “فاروق صبري كاتب السيناريو كان أكتر واحد كتب كوميدي، وأنا كنت فاكر إن سيد بدير أو الإبياري هم اللي كتبوا أكتر“.
سبب تكريم لبلبة في مهرجان القاهرة