حازم إيهاب: يوما ما سأفوز بالأوسكار
قال الفنان حازم إيهاب، إنه يخطط للفوز بجائزة الأوسكار يوما ما، وأنه يرى أن مستوى الأعمال الفنية في مصر والوطن العربي يستطيع منافسة الأعمال الأجنبية.
تابع “إيهاب” خلال لقائه مع برنامج “ArabWood”: “أنا بحب أعمل الأدوار اللي بيبقى فيها شغل على الشخصية من البداية للنهاية، وإني أخلق حاجة جديدة تماما وأديلها وزن وملامح وشكل وطريقة كلام، بس للأسف الحاجات اللي بتحتاج تحول دي بتحتاج تتصور على فترات كبيرة وإحنا للأسف معندناش الحاجات دي”.
نرشح لك: وُلد في الشهر السابع.. كندة علوش تطمئن الجمهور على طفلها الثاني
View this post on Instagram
أضاف: “إن شاء الله في يوم من الأيام هفوز بالأوسكار، متسألونيش إزاي بس ده هيحصل، وكده كده في يوم من الأيام هقف على خشبة الأوسكار وهمسك الجايزة في إيدي وهبقى كسبتها عن جدارة”.
View this post on Instagram
أردف: “على فكرة إحنا أجمد بس الفكرة إننا هنا دايما بنجري، يعني مثلا لازم نصور دلوقت عشان هننزل الأسبوع الجاي، الفرق اللي بينا وبينهم مش الفلوس، ولو خططنا كويس مسلسلاتنا وأفلامنا هتبقى زي هوليوود وبوليوود”.
View this post on Instagram
والجدير بالذكر أن آخر عمل درامي شارك فيه حازم إيهاب مسلسل “إلا أنا.. حكاية تقلها دهب”، وكانت أحداث الحكاية مستوحاة من حياة بطلات مصر الأولمبياد فريال أشرف وهداية ملاك وسمر حمزة.