محمد يسري: هخاف أقدم سيرة والدي في عمل فني

قال الفنان محمد يسري، إنه تغيب عن لقائه مع شيرين عبد الوهاب وسميرة سعيد، لأنه تعرض لأزمة قبلها بيومين، ولم يتمكن من السير بشكل سليم، موضحا أنه كان متحمسا لرؤية شيرين عبد الوهاب لأنه لم يراها منذ فترة.

أضاف “يسري” خلال حواره في برنامج The” Insider بالعربي”، المذاع عبر “تلفزيون دبي”، أنه يحب شيرين جدا، وكذلك يعتقد أن جميع المصريين يحبونها، لافتا إلى أنها من الفنانين القلائل التي يحبها العالم العربي كله، فهي قيمة فنية مهمة، مشيرا إلى أنه يكون سعيدا عندما يسمع صوت شيرين.

نرشح لك: ياسمين عز: كفاية تسخين في الستات عشان التريند

في نفس السياق علق” يسري” على بداية شقيقته هنا يسري في مجال الفن، قائلا: “هنا متفانية تفاني مرعب، كل يوم بتتدرب وتشتغل وتقرأ عشان تثقف نفسها وتفهم أكتر عن السيناريو والتمثيل والمغني، كمية تفاني وحب للمعرفة عشان تثقل الموهبة اللي عندها، لما أشوف هي بتعمل إيه بنبهر”.

أما عن تقديمه سيرة والده الفنان إبراهيم يسري، في عمل فني قال “يسري”:” أنا كمحمد مش هينفع أفكر في حاجة زي دي خالص، وعمرك ما هتعرفي تشوفي مين يلعب دور معين غير لما تقرأي السيناريو، لو عملنا كدا يبقى بنتكلم عن المواصفات الشكلية بس، وبالتكنولوجيا ممكن نجيب ممثل مش لازم يبقى شبهوا جدا وأخليه أقرب لشكل الفنان اللي بيلعب دوره، الدراما هي اللي هتحكم”.

أضاف: “أعتقد إني هخاف أقدم سيره والدي في عمل، لأن الموضوع بالنسبة لي شخصي جدا، ومش هعرف أفصل أوي من فكرة إني محمد إبراهيم يسري، أنا عارف الفنان ده كأب وصديق، ففي تحيز يخليني مقدرش أعمل ده، بس في الحقيقة أتمنى”.

فيما أوضح” يسري” تفاصيل شخصيته في مسلسل “وعد أبليس”، قائلا: “هو مسلسل إثارة وفي عامل ما وراء الطبيعة، المسلسل تعبنا فيه أوي ومش عايز أبقى ببالغ بس أنا مشوفتش حاجة معمولة بهذا المستوى.. أنا بقدم شخصية ظابط شرطة بيحقق في مجموعة جرائم فيها عوامل غير مفهومة، وبيحاول يوصل لحقيقة اللي بيحصل”.