بسبب عمليات التجميل. شهيرة: الممثلات بقوا شبه بعض

علقت الفنانة شهيرة، على انتشار فكرة اللجوء لعمليات التجميل بين الفنانات الشابات، بأنها ترى أن أغلب ممثلات الجيل الجديد أصبحن متشابهات في الشكل.

قالت “شهيرة” خلال لقائها مع الإعلامية ياسمين عز في برنامج “كلام الناس“، المذاع عبر شاشة “mbc مصر”، إنها متقبلة تقدمها بالعمر، رغم أنها ترى ذلك واقعا مزعجا، موضحة: “أنا مش هقول إن كل سن له جماله أو إنه مجرد رقم.. لأ أنا كبرت، وده واقعي ولازم أتقبله، حتى لو كان الواقع ده مزعج، في حاجات مبقتش أقدر أعملها ولو عملتها هتوجع، يمكن لو كنت شابة صغيرة كنت أقدر أتحمل الوحدة والفقد اللي عيشاهم”.

نرشح لك: الليلة.. برنامج “آخر النهار” ينفرد بتحقيق تلفزيوني عن جزيرة الوراق

وعن رأيها في لجوء الفنانات الشابات لعمليات التجميل، علقت: “البنات دلوقت كلهم شبه بعض، لكن على أيامنا مكناش شبه حد، وكان كل واحدة فينا اللمسة بتاعتها الخاصة بيها، ومكانش في الفيلر والبوتوكس وكانت كل حاجة طبيعية، ياريت كان في على أيامنا كده كنت أقولهم خلوني شبه مارلين مونرو”.

أردفت: “لكن بردو في نجمات من جيل تاني ليهم جمالهم الخاص الملفت، زي منة شلبي جمالها بسيط وجبارة في التمثيل”.

كما تحدثت عن تأثرها بوفاة زوجها الفنان الراحل محمود ياسين، قائلة: “أنا لسة بنادي على محمود قبل ما أنام وأقوله “يا محمود عاوز حاجة؟” وبيتهيألي إنه بيرد عليا، أنا مكنتش أعرف إني هبقى كده بعده، وساعات أخد مهدأ وفكرت أروح لدكتور نفسي من أسبوعين، لأني محتاجة حد يسمعني ويخرجني من اللي أنا فيه”.

الفنانة شهيرة