زيزو: فيريرا علمنا الكورة من أول وجديد
تحدث اللاعب أحمد سيد زيزو، لاعب نادي الزمالك، عن التأثير الإيجابي والتغيير الذي أحدثه المدرب جوسفالدو فيريرا، المدرب الحالي للنادي، وطريقته في تدريبهم.
قال “زيزو” خلال لقائه مع الإعلامي عمرو أديب في برنامج “الحكاية“، المذاع عبر شاشة “mbc مصر”، إن “فيريرا” دربهم على أساسيات لعب الكرة كالتمرير وكيفية الوقوف في الملعب، وهو الأمر الذي أثار استغرابهم في البداية لكن اكتشفوا أهميته فيما بعد، معلقا: “فيريرا هو فعلا معلم وبروفيسور وهو فعلا “البابا” وباقي المدربين أحفاده، وزرع في لاعيبة الزمالك إننا نصدق إننا نقدر نعمل حاجة”.
نرشح لك: محمد الباز: لو شايف إن فيه أزمة بن متشربش قهوة كتير
أضاف: “وبيوصلنا كل التفاصيل الصغيرة اللي نلعب بيها، علمنا الباص من أول وجديد، رغم إن كل واحد فينا كان فاكر نفسه لعيب كبير، وقعد شهر يعلمنا الوقفة الصح في الملعب.. هو علمنا الكورة من أول وجديد بصراحة”.
أضاف: “لما جه كابتن فيريرا شال عننا الضغوطات وقالنا إلعبوا براحتكم مش مهم الدوري، وكمان مجلس الإدارة الجديد لما جه عملوا استقرار للنادي وبقى في استقرار ذهني على الأقل للاعيبة، وقدرنا ندي كل حاجة في الملعب”.
وعن التحديات التي واجهها نادي الزمالك خلال الفترة السابقة، أوضح: “متقارنش لاعيبة نادي الزمالك بلاعيبة نادي تاني عشان أنت بتلعب في نادي كبير، قارن الاستقرار ومجلس الإدارة اللي بيتغير كل 3 شهور عندنا، إديني نفس الظروف والمقومات وبعدين قارن”.
كان اللاعب أحمد سيد زيزو، فاز بلقب هداف الدوري المصري الممتاز لموسم 2021-2022، ليصبح عاشر لاعب من الزمالك يحقق الجائزة.