هل يترك زيزو نادي الزمالك؟ اللاعب يوضح
قال اللاعب أحمد سيد زيزو، لاعب نادي الزمالك، إنه يتمنى الاستمرار في نادي الزمالك وعدم الانتقال لأي نادي أخر.
تابع “زيزو” خلال لقائه مع الإعلامي عمرو أديب في برنامج “الحكاية“، المذاع عبر شاشة “mbc مصر”: “هعمل إيه؟ معرفش، لكن بتمنى إيه؟ أتمنى أفضل في الزمالك، لكن الإحساس اللي وصلتله والمكانة اللي وصلتلها عند جماهير نادي الزمالك والوضع اللي خدته ميتعوضش، لكن أنا اختياري الأول إني أقعد في الزمالك، لكن في النهاية القرار في إيد النادي”.
نرشح لك: زيزو: فيريرا علمنا الكورة من أول وجديد
أضاف أنه لن يفعل الشرط الجزائي “2 مليون دولار” رغم عروض بعض الأندية وأي احتراف سيكون بموافقة نادي الزمالك، وأن هناك جلسة ستعقد للاتفاق بين والده والمستشار مرتضى منصور.
أردف: “أنا لما والدي سألني عاوز إيه قلتله الزمالك رقم واحد، وحطينا بعدها تاني وتالت حاجة وهو يقرر، لكن لما تلاقي الاستقرار اللي حاصل في نادي الزمالك، والفريق مع بعض بقالنا 4 سنين كمان، وأكيد في جزء فيا عاوز يحترف بره بس في حاجات بتغلب حاجات”.
كان اللاعب أحمد سيد زيزو، فاز بلقب هداف الدوري المصري الممتاز لموسم 2021-2022، ليصبح عاشر لاعب من الزمالك يحقق الجائزة.