دعاء فاروق عن "المساكنة": أما تحملي هيسيبك ويجري
سالي فراج
علقت الإعلامية دعاء فاروق على الجدل المثار مؤخرا حول تفضيل بعض الفنانين للمساكنة والزواج المدني.
قالت “فاروق” خلال فيديو لها نشرته على حسابها الرسمي على موقع تبادل الصور والفيديوهات “إنستجرام” بطريفة سخرية، :”إسكنوا مع بعض عادي، وعيشوا مع بعض من غير جواز، ولا تدخلوا قانون، ولا مجتمع، ولا أهل ولا أصحاب، ولا دين، وأما يسكر ويخبطك على دماغك إيه يدخل القانون”.
نرشح لك: دعوة لانتشار الفاحشة.. سعاد صالح ترد على دعم المساكنة
أضافت: “لو إنتي بايتة عنده في البيت فتح شنطتك وسرقك إيه يدخل القانون والمجتمع والحاجات البلدي دي، لا متدخلوش حد وعيشوا حياتكوا بقى”.
أردفت دعاء فاروق: “بس هتحملي فإيه اللي يدخل المجتمع هما مالهم هو طبعا هيقولك وأنا مالي، وهيقولك شيلتك شيليها لوحدك فهيبقى عندك حلول كتير لا هتهربي وتروحي تولدي لوحدك في حتة بعيد، يا إما هتنزلي البيبي، أو هترميه في الزبالة زي ما بنشوف”.
View this post on Instagram
وكان الفنان محمد عطية قد قال إنه تخلص من أفكار شرقية كثيرة كانت تقيده.
أضاف “عطية” خلال لقائه ببرنامج “شو القصة” مع الإعلامية رابعة الزيات، أنه يكره أن تكون هناك يد عُليا في العلاقات بين الرجل والمرأة، مشيرا إلى أنه يشفق على المرأة في الشرق الأوسط لأنه يتم الحكم عليها من طريقة لبسها وحياتها الجنسية.
أكد على أنه لا يقبل أشياء مُسلم بها في الدين الاسلامي مثل القتل باسم الدين أو تعدد الزوجات، مردفا أنه يفضل الزواج المدني، معلقا: “أنا دلوقتي بحب إنسانة ليه ندخل المجتمع والقوانين بينا، اللي بيزود نسب الطلاق إن الناس بتروح تتجوز عمياني، الجنس جزء مهم جدا من العلاقة، أغلب حالات الطلاق بتكون بسبب إن مفيش توافق في العلاقة الجنسية، ممكن أتجوز بعد ما نتوصل إننا ممكن نعيش مع بعض الجواز مسئولية كبيرة جدا”.