من على فراش المرض.. رسالة عتاب من بسمة وهبة لإحدى معارفها
شروق عبد الحميد
وجهت الإعلامية بسمة وهبة، رسالة لإحدى معارفها والتي تعاتبها بعدم الرد عليها بسبب انشغالها بالسفر والفسح، مُعربة عن استيائها من مثل هذه الأشخاص ومن حكمهم عليها من خلال صورها على انستجرام.
نشرت “وهبة”، على حسابها الرسمي على موقع تبادل الصور والفيديوهات “انستجرام“، مقطع فيديو لها من داخل إحدى المستشفيات وهي على فراش المرض، وكتبت: “واحدة معرفة اتصلت بيا فمردتش عليها، راحت بعتالي رسالة بتعاتبني فقلت لها معلش مش قادرة اتكلم لما اقدر هكلمك، راحت ردت عليا وقالت لي آه مانتي مشغولة صحيح كل يوم في بلد وبتتفسحي”.
نرشح لك: شاهد.. محمد حماقي ينفعل على أحد منظمي حفله بسبب معجبة
وتابعت: “عاوزة أقولها هي واللي زيها إن أي صورة ع السوشيال ميديا حلوة وراها أوقات وحشة وأي صورة فيها سعادة وراها أوقات تعاسة وألم، وصحيح ممكن أكون مسافرة بس بعمل عملية وفي البنج وحزينة لأن صحبتي ماتت قبلها بيومين، حتى وأنا في البنج وتعبانة حزينة عليها وبدعيلها وممكن أكون مسافرة اتعالج مش اتفسح “.
أردفت بسمة وهبة: “بما أني مسافرة لو معندكيش مانع أخرج قبل العملية واتمشى في الشارع بعد العملية لو ميضايقكيش يعني، وأحب أقولك انتي واللي زيك ربنا ما يحكم عليكي يابنتي باللي في الواحد واحمدي ربنا إنك مش مضطرة تسافري عشان تلاقي حل لمرض نادر”.
اختتمت كلامها قائلة: “من فضلكم ارحمونا وسيبونا في حالنا أنا وصاحبتي وفاء ماتت من الحسد”.
View this post on Instagram