عمرو السولية يكشف علاقة "البانيه" بنجاح مؤمن زكريا في الملعب

شروق عبد الحميد

كشف اللاعب عمرو السولية، عن كواليسه مع اللاعب مؤمن زكريا، مشيرا إلى أن بداية معرفته ب “زكريا” كان من خلال مقابلتهم معا في ماتش المنتخب حيث إن مؤمن زكريا كان ينتمي لفريق الزمالك وهو كان ينتمي لفريق الإسماعيلي.

قال “السولية” خلال استضافته هو ومؤمن زكريا وزوجته في برنامج “صاحبة السعادة” الذي تقدمه إسعاد يونس على قناة “dmc”: “أول ما قعدت مع حد كنت قاعد مع مؤمن في أوضة واحدة في المعسكرات والبلاوي كلها كنا بنعملها مع بعض، ولما روحت الأهلي كنا بردو بنقعد مع بعض في المعسكرات وعلاقتنا ابتدت من هنا”.

نرشح لك: شيكابالا لمؤمن زكريا: بستمد القوة والصبر منك

تابع: “إحنا لينا كواليس مع بعض كتير جدا زي مثلا إحنا لينا طقوس كدة ليلة الماتش، كنا لازم دايما ناكل قبل ما ننام وهو كان بيحب ياكل فراخ بانيه قبل ما ينام وأنا من ساعة ما قعدت معاه وأنا بقيت مدمن معاه، وهو لو ما كلش الأكل ده قبل الماتش أعرف أنه مش هيبقى كويس في الماتش أو مش هيجيب جون”.

أشار إلى أن الرقص هو طريقة “زكريا” في التعبير عن سعادته بالفوز، من جانبه قالت زوجة “زكريا” أن طريقته في التعبير عن حزنه أثناء الهزيمة هي الإنعزال.