نهال عنبر عن جدل عدم إرضاع الأم لطفلها: غلط طبعا
قالت الفنانة نهال عنبر، إن فكرة عدم إرضاع الأم لطفلها خاطئة، لأن الرضاعة مفيدة للأطفال، موضحة أن الله سبحانه وتعالى لا يكلفنا بشيء خاطئ.
أضافت “عنبر” خلال حوارها مع الإعلامي تامر أمين في برنامج “آخر النهار” المذاع عبر شاشة “النهار”، أن إرضاع الأم لطفلها ليس به إهانة لقدرها، لافتة: “عمر ما ربنا هيقول (وَفِصَالُهُ فِي عَامَيْنِ) إلا وهو عارف أن لازم السنتين دول ياخدوا لبن الأم، اللي مش عايزة ده تحط في الببرونة وتشربه بس لبنها”.
نرشح لك: مايا دياب تعلق على خلافها مع أصالة
أشارت: “في حنان غير عادي بياخده الطفل من الرضاعة.. في أمهات أنا عارفاها كانت بتشتغل فكانت بتخزن اللبن بتاعها عشان البيبي ياخد لبنها، في عندنا حلول، ومال الاستقلالية ومال دي، هو دا يقلل إني ست عندي طموح بالعكس، دا أنا بدي ابني اللي ربنا قالي أدهولوه، هو ربنا أداهولنا ليه؟ مكنش أداهولنا كان خلانا زي الرجالة”.
أردفت: “ابنك أهو أديله حقه مش لازم السنتين على قد ما تقدري لازم أديله شوية لبن الأم دا مهم جدا.. الراجل راجل والست ست الراجل في أخلاقه وطباعه، واللي ألاقيه في وقت الشدة، مش الراجل سي السيد، مش يقولها هاتي مرتبك أنا بشغلك ليه”.