هبة الأباصيري عن "الست مش ملزمة": سيبوها بفطرتها السليمة
سالي فراج
علقت الإعلامية هبة الأباصيري، على الجدل المثار حول إلزام الزوجة وعدم إلزامها في الكثير من واجباتها المنزلية، وأجر الرضاعة.
نشرت “الأباصيري” فيديو عبر حسابها الرسمي على موقع تبادل الصور والفيديوهات “إنستجرام”، قامت بتصويره لأم تقود موتوسيكل وخلفها طفلتها وهي تتمسك بها، معلقة: “الست مش ملزمة، الست فعلا مش ملزمة تكون سند وحنية وشايلة المسئولية وفي ضهر جوزها وبتهون عليه الشقاء والأحمال”.
نرشح لك: نهاد أبو القمصان: كلامي عن “أجر الرضاعة” موجه لدعاة تعدد الزوجات
أضافت الإعلامية هبة الأباصيري: “ومش ملزمة تبقى حيط صد لأولادها بتحميهم وتعافر بهم، مش ملزمة، لأنها بتعمل ده كله بالفطرة السليمة وبالحب وراضية وسعيدة، فطرة الأم والزوجة والمودة والرحمة، سيبوا الست بفطرتها السليمة في حالها، إللهي تنستروا”.
View this post on Instagram
في نفس السياق علقت المحامية نهاد أبو القمصان، عضو المجلس القومي لحقوق الإنسان، على الجدل الذي أثير مؤخرا، حول أجر الرضاعة.
كتبت “أبو القمصان” عبر حسابها على موقع “فيس بوك“: “أصحابي وحبايبي بيقولوا لي مش فاهمين إيه موضوع أجر الرضاعة ده؟ ومناسبته إيه؟ أفهمكوا يا حبايبي.. الراجل اللي بياخد حتة من القرآن ويسيب الباقي بنفكره بباقي القرآن لأن ربنا عادل والقرآن أنصف المرأة ومليان حقوق هنعرفها للستات كلها إن شاء الله”.
تابعت: “يعنى اللي يقول لمراته هتجوز عليكي وده حقي والشرع بيقول مثنى وثلاث، نقوله طب يا حبيبي براحتك إدفع اللي عليك الأول، حقوق الستات اللي ربنا قال عليها في القرآن والشرع برضو من أول المهر للإنفاق على كل حاجة حتى أجر الرضاعة”.
أضافت: “والراجل الجدع اللي يحسس الست بالأمان ويعاملها بالمودة والرحمة ويعتبرها شريكته وحبيبته، هنقول له ونقول للستات (لا تنسوا الفضل بينكم)، وكمان (ولهن مثل الذي عليهن بالمعروف) وكل ست تشيل جوزها الجدع في العين والنني كمان، ومتنازلين عن أجر الرضاعة.. خلص الكلام”.