"بقى تجارة".. هدى رمزي توضح سبب تراجع الفن في مصر

شروق عبد الحميد

كشفت الفنانة هدى رمزي، عن سبب حزنها مما وصل إليه الوسط الفني الآن، موضحة أن جيلها والأجيال السابقة كان من السهل إطلاق لفظ نجم على الممثل حتى ولو كان من الدرجة الثانية أو الثالثة، أما الآن هناك كثير من العظماء في التمثيل والإخراج والتأليف ولكن ليس هناك نجوم.

أضافت “رمزي” خلال لقائها في برنامج “كلام الناس” الذي تقدمه الإعلامية ياسمين عز على قناة “mbc مصر”، أنها حزينة من تراجع الفن في مصر بعد أن كان عالميا على مستوى الدول العربية والشرق الأوسط، لكن الآن أصبح هناك دول متقدمة عليه مثل لبنان وسوريا وتركيا والهند.

نرشح لك: سبب ابتعاد هدى رمزي عن الفن

أشارت إلى أنها غير متفاعلة على السوشيال ميديا ولكن تراجع الفن يدفعها إلى إبداء رأيها، موضحة: “أنا مش من النوع اللي بتابع الفيسبوك وأقول أرائي وكده بس لقيت نفسي لأول مرة عاوزة أكتب وأقولهم أنا جيلي وحشني، وفعلا أنا مفتقدة جدا جدا الحياة اللي كنت عيشاها قبل كده، وبتمنى أن الجيل اللي جاي يرجع يعشها مع بعضه لأنه أنا ما لقيتش الحب اللي كان بينا”.

تابعت: “أنا كنت ببكي وأنا بخلص عمل لأنه مش هنشوف بعض تاني زي ما كنا بنشوف بعض كل يوم، كان ممكن يكون فيه بينا غيرة فنية بس محترمة جدا وكان فيه احترام بينا من أصغر عامل لأكبر نجم، علشان كدة لحد النهارده بتبقوا عاوزين تتفرجوا على الأفلام الأبيض وأسود”.

أردفت: “رغم إن أداء الفنانين حاليا أكتر من رائع وموهوبين وهايلين لكن معرفش إحنا كنا منورين أوي، أنا ساعات اتفرج على عمل أقول مين دول، إحنا كان أي حد فينا بيقدم عمل بيتعرف حتى لو دور صغير لكن بتقدري تتذكريها لكن دلوقتي لا، الفن ما بقاش زي زمان بقى تجارة أكتر من أنه فن”.