القرموطي عن الجيش الإسرائيلي: منحط
استنكر الإعلامي “جابر القرموطي”، إقتحام شرطة الإحتلال الإسرائيلي للمسجد الأقصى، والإعتداء علي الفلسطنيين وإلقاء القنابل داخل المسجد وتدنيسه.
وقال القرموطي، خلال حلقة مساء اليوم، من برنامج “مانشيت”، المذاع علي قناة ONTV : “المسجد الأقصى بيتعرض لإهانة بالغة، من جانب القوات الإرهابية الإسرائيلية، أنا مشفتش جيش منحط زي الجيش الإسرائيلي، بيضربوا قنابل جوه المسجد الأقصى، 3 أيام والجيش الوقع الإرهابي ده بينجس المسجد، دول لا ينفع معاهم سلام ولا كلام، مش لاقي حد يقولك أقف عندك”.
واستكمل القرموطي : “أنا مش بطالب بحرب، الجيش ده بينفذ سياسة دولة تتعامل بإرهاب غاشم وفاضح والعالم واقف بيتفرج، فين بان كي مون، والعالم الغربي اللي بيتشدق بالديمقراطية، فين هيومن رايتس ووش، اللي واقفة علي الواحدة، حد يقدر يقول لإسرائيل إنها متهمة ؟ في سياسي يقدر يقولها كدة ؟ ولا يقطع العلاقات الدبلوماسية، كله خانع ومستسلم”.
وأضاف القرموطي : “إسرائيل دي هي خازوق المنطقة، إزاي هنقدر نوقفهم ؟ الجامعة العربية ممكن توقف إسرائيل إزاي ؟ وطالما الدول الأعضاء مش بتتحرك يبقي الجامعة مش هتتحرك، أنا داخل علي الـ 50 سنة، وعمري ما شفت الجامعة العربية ولا الدول الأعضاء ليهم كلمة ولا حلول ولا نفوذ ولا قوة”.