إلهام شاهين: أنا أكتر واحدة بتتهاجم على السوشيال ميديا

هدير عبد الوهاب

أعربت الفنانة إلهام شاهين، عن استيائها وغضبها من الجدل الذي أُثير على مواقع التواصل الاجتماعي خلال الفترة الماضية بسبب صورة للفنانة ميرفت أمين أثناء حضورها عزاء المخرج علي عبد الخالق.

قالت “شاهين” خلال مداخلة هاتفية مساء الأثنين في برنامج “90 دقيقة” المُذاع عبر شاشة “المحور” وتقدمه الإعلامية بسمة وهبة، إن منتقدي صورة ميرفت أمين وصور الفنانين بشكل عام، ليس الجمهور الحقيقي لكنهم بعض من الناس الحاقدين الذين يسيئون للفنانين دائما بسبب الغيرة وعدم نجاحهم في حياتهم، مطالبة بمنع التصوير خلال العزاء والجنازات.

نرشح لك: رأي إلهام شاهين في مهرجان القاهرة للدراما

تابعت: “أنا أكتر واحدة بيهاجموني في السوشيال ميديا لإن أنا دايما بحب أهزئهم في كل مناسبة، شوية التافهين إللي قاعدين مستخبين ورا جهاز ومالهومش قيمة ناس مش متحققة فبيغيروا من كل حد، شيء سخيف وتفاهات، ده مش نقد دي قلة أدب وتنمر، تعرضنا لسفلات كتيرة أوي لا تحتمل”.

استطردت: “ميرفت أمين على راسنا كلنا وحبيبتنا وست جميلة وفنانة كبيرة والكلام ده لا يؤثر فيها خالص دي ست تاريخ، وبعدين لما تقول على فنانة صغرت أو كبرت ده نقد تافه، إحنا دلوقتي بنعاير الناس على السن والكبر، هو في حد مابيكبرش، إيه الكلام الغريب ده يارب اللي في السوشيال ميديا كلهم يتحاكموا”.

في سياق آخر، تحدثت عن مشاركتها كعضو لجنة تحكيم في مهرجان كازان السينمائي الدولي في تارستان للدول الإسلامية، حيث إن هذه المشاركة الثالثة لها في المهرجان، لافتة: “ده مهرجان خاص بالدول الإسلامية كلها من كل العالم، وقالوا هي بتتفسح وإحنا مش عارفين نتفسح ياجماعة ده شغل وأنا رايحة بمثل مصر”.