ناهد رشدي تكشف سبب ابتعادها عن التمثيل

ناهد رشدي

شدوى ممدوح

تحدثت الفنانة ناهد رشدي، عن سبب ابتعادها عن الفن، مشيرة إلى أنها كانت متواجدة بجانب أولادها خلال هذه الفترة.

قالت “رشدي“ خلال مداخلة هاتفية لها مع برنامج “8 الصبح“، إن اختفائها خلال الفترة الماضية كان بسبب تفشي ڤيرس كورونا، وأن من عادتها أن تختفي كل فترة، لافتة: “كل فترة تلاقوني غطسانة مرة أقعد 8 سنين ومرة أقعد سنتين ومرة 4 سنين، وببقى قاعدة وقتها في البيت“.

نرشح لك: انتصار: معنديش وقت للزواج مرة تانية

تابعت أنها لم تبتعد عن الساحة الفنية، وكان أخر أعمالها مسلسل “الاختيار 1“، مشيرة إلى أنها قد سافرت بعد الانتهاء من تصويره مباشرة وأنها ستعود إلى التمثيل قريبا جدا بمسلسل جديد، لافتة أنها ستجسد فيه دور الأم الطيبة، مضيفة: “الأم مش حكاية مدرسة الأم هي عمود البيت وأساسه، وسبب ابتعادي عن التمثيل كل فترة كان عشان ولادي بيكبروا وخصوصا في مرحلة المراهقة اللي كنت لازم أكون معهم فيها“.

أكملت أن من أسباب ابتعادها أيضا هو أنها أصبحت جدة بعد زواج أولادها، مضيفة: “كلام السوشيال ميديا عن إن الأم غير ملزمة ده كلام فاضي لأن الأم هي أم حتى الطبيعة بتقول كده وأي حد يقول عكس كده شاذ، يعني ايه مرضعش ابني ولا أعمل أكل لولادي؟، الأطفال بالتحديد لازم تكون الأم هي اللي عملالهم الأكل“.

وعن قدرتها على الموازنة بين حياتها العملية ودورها كأم، قالت: “كنت بقوم الساعه 6 الصبح أعملهم أكلهم وكل حاجة وكنت بعتمد على أمي وحماتي بس بعد كده بقى في فترة لازم أنا اللي أكون موجودة فيها، واعتذرت كتير أوي عن أعمال فنية رغم إن ابني كان كبير وقتها لكنه رفض وكان هيزعل مني فمشتغلتش“.

أردفت “رشدي“: “مع احترامي لكل السيدات فنانة كانت أو دكتورة أو مهندسة، في الآخر أنتي ست وربنا خلقك كده واللي بيحصل دلوقتي ده الكارثة الجديدة اللي اسمها تريند.. اهمدوا شوية إحنا عايزين الأسرة المصرية الجميلة والأم اللي بستحتمل وبتحتوي المشاكل، وأي واحدة طبيعية هتعمل كده“.

وعن مسلسل “لن أعيش في جلباب أبي“، نفت “رشدي“ أنها كانت تريد تجسيد دور الأم، وكان اعتراضها على دور “سنية“ أنها كانت فتاة صغيرة في المرحلة الثانوية، لافتة: “في زميلة ليا قالتلي إني أعمل دور الأم وعبلة دي حبيبتي وروحت التصوير وكانت بتمثل دور الأم“.