هاني شاكر: ابني مش بتاع غنا وصوته تخين
كشف الفنان هاني شاكر علاقة نجله شريف بالغناء، وحبه لأغنياته القديمة.
قال خلال لقائه مع برنامج “the insider بالعربي“: “هو ودنه حلوة لكن مالوش في الغنا وطول عمره صوته تخين كده، مش بتاع غنا يعني.. ربنا يسعده ويحميه ويسعد أيامه يا رب دايما”.
نرشح لك: هاني شاكر يكشف تفاصيل أغنيته الجديدة “في فرق في الإحساس”
أضاف: “الأغاني بتاعتي اللي كان بيسمعها وهو صغير هي اللي لسة معلقة معاه، لما كان يبقى متضايق أو متعصب كان بيشغل الكاسيت ويشغل (علي الضحكاية) ويبقى متزربن كده وهو بيسمعها”.
كما قال نجله “شريف”، خلال اللقاء، إنه يحب كل أغاني والده لكنه يفضل القديمة منها بصورة أكبر من أغانيه الحديثة.
View this post on Instagram
في سياق منفصل، كشف الفنان هاني شاكر، عن تفاصيل أغنيته الجديدة “في فرق في الإحساس”، موضحا أن كلمات الأغنية جميلة جدا، وبها معاني الحب والرومانسية.
أضاف” شاكر” خلال لقائه في برنامج “the Insider بالعربي” المذاع عبر شاشة “تلفزيون دبي”، أن الأغنية جميلة جدا كما أنه سعيد بها، لافتا: “الكلام جميل أوي وكله حب ورومانسية، غنوة جميلة أنا سعيد جدا إني بسجلها النهاردة”.
أردف: “الأغنية ألحان حبيبي وصديق عمري وليد سعد، وكلمات الشاعر الجميل إسماعيل رأفت، وتوزيع حبيبي وأخويا خالد نبيل الموزع الجميل، وهتسمعوا أغنية حلوة إن شاء الله”.
استطرد: “بنحاول نعمل فوتوسيشن للأغنية، عجبتني الفكرة، لأن الصورة بتبقى مشاركة في نجاح الغنوة، يعني مش بس أنا بعمل سيشن تصوير وخلاص، لا يبقى التصوير فيه فكرة، عشان كده مش عايز استعجل وأنزل الغنوة على طول إلا لما أعمل سيشن”.