سماح أنور عن لقب "مسترجلة": بيفرحني أوي
ردت الفنانة سماح أنور على لقب “مسترجلة”، الذي لقبها به البعض بسبب أدوارها في أفلام الأكشن.
قالت “سماح” خلال لقائها مع الإعلامية ياسمين عز في برنامج “كلام الناس“، المذاع عبر شاشة “mbc مصر”: “الناس لما بتتفرج على عمل بتفتكر إن الممثل في الحقيقة عامل كده، أنا مفيش دور عملته شبهي لحد دلوقت، ولا هعمل دور شبهي لأن لو هعمل دور شبهي يبقى فيلم وثائقي بقى، لكن أنا بحب الاختلاف”.
نرشح لك: تعليق هاني شاكر على الغناء في سوريا بعد غياب 15 عاما
أضافت: “إحنا في مهنة حرة، وأنا اختارت أكون ممثلة يبقى مينفعش أزعل من رأي الناس لأن مهنتي قائمة على أرائهم، أتضايق لو الموضوع شخصي.. لكن ده مش أنا”.
أردفت: “بفرح أوي من اللي بيقول سماح مسترجلة، لأنه صدق الدور لدرجة إنه قال إن ده أنا، وبعدين مسترجلة يعني إيه؟ بحلق دقني الصبح يعني؟ الكلمة مش فهماها”.
كما تحدثت عن رأيها في لجوء بعض الفنانات للتدخين في الخفاء، قائلة: “لأن المجتمع منغلق انغلاق كلي، والناس اللي بتنتقد أخلاقيات غيرها هما أكتر الناس اللي لا يلتزموا بأي أخلاق، وهي دي مشكلتنا إننا كدابين بدرجة لا نتصورها عشان كده الشخصيات العامة بتخاف تكسر صورتها قدام العالم”.
يشار إلى أن الفنانة سماح أنور يعرض لها حاليا عبر منصة “شاهد”، مسلسل “الليلة واللي فيها” مكون من 6 حلقات. من بطولة زينة، محمد شاهين، مطرب الراب أبي يوسف، سماح أنور، علاء مرسي، آلاء سنان، بكري خالد، وعدد آخر من الفنانين الشباب. من تأليف محمد رجاء، وإخراج هاني خليفة.