رد نور النبوي على اتهامات دخوله التمثيل بـ "الواسطة"
قال الفنان نور النبوي، إنه متفهم لكل اتهامات انضمامه للتمثيل عن طريق “الواسطة” بسبب والده الفنان خالد النبوي، لكنه سيعمل على إثبات العكس من خلال أدواره.
تابع “نور” خلال لقائه في برنامج “معكم منى الشاذلي“، المذاع عبر شاشة “cbc”: “أنا عرفت وقت الجامعة إني عاوز أبقى ممثل وإني بحب السينما، وكل يوم بصحى لهذا السبب، لكن أهلي كانوا عاوزني أدرس اقتصاد كحاجة تبقى مضمونة وبعدين لو عاوز أبقى ممثل براحتي”.
نرشح لك: هل سيعود عادل إمام للشاشة قريبا؟.. طارق الشناوي يجيب
أضاف: “سافرت أدرس اقتصاد في فرنسا وقعدت سنتين هناك، والسنتين كنت بعيد لأني مكنتش بروح الجامعة أصلا، كنت بروح أشتغل في مسرح ببلاش وبتفرج على أفلام ومسرحيات طول فترة الصبح، لكن الجامعة مكانش ليها وقت”.
أردف؛ “أنا مبحبش أخد الأمور مجانا وإني لما أخش حاجة أخش بمجهودي، كنت بروح أوديشن كتير وبترفض عادي، ومتفهم جدا أي حد بيقول دي واسطة لكن أنا عليا إثبات العكس”.
استطرد: “فكرت في تغيير اسمي الفني في البداية بس ملقتش حاجة مناسبة، ووالدي كان عاوز يسميني “نور صالح” عشان أبعد خالص عن نور خالد النبوي، أنا بحب أبقى نور النبوي مش نور خالد النبوي”.
يشار إلى أن آخر أعمال نور النبوي، مسلسل “راجعين يا هوى” من بطولة خالد النبوى، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبد العزيز، نور خالد النبوي، سلمى أبو ضيف، والمسلسل من تأليف محمد سليمان عبد المالك، وإخراج محمد سلامة.