بمناسبة عيد ميلاده.. شريف مدكور يتبرع بقيمة هداياه لمستشفى أهل مصر
شدوى ممدوح
احتفل الإعلامى شريف مدكور، بعيد ميلاده الـ 50، يوم أمس بين أهله وأصدقائه، ولكن بطريقة مختلفة هذا العام فقد قام باستبدال هداياه بتبرعات لصالح مستشفى “أهل مصر“ لعلاج الحروق.
نشر “مدكور“ صورة له من أجواء الاحتفال بعيد ميلاده على موقع “فيسبوك“، وكتب: “النهاردة كان عيد ميلادي الخمسين عملت حفلة في بيتي وعزمت حبايبي وطبعا عيد ميلاد يعني هتجيلي هدايا بس أنا فكرت إن الهدية تبقى حاجة تانية خالص”.
نرشح لك: أشرف زكي: لو عادل إمام تعبان مش هنخبي
متابعا: “فكرت إن الهدية تروح لمستشفى أهل مصر لعلاج الحروق، واتفقت مع ضيوفي إنهم يتبرعوا للمستشفى بقيمة الهدية اللي كانوا هيجيبوهالي فالناس بتوع المستشفى بقوا واقفين على مدخل البيت بياخدوا التبرعات من الناس، والنتيجة كانت 120 ألف جنيه تقريبا اتجمعوا لصالح مستشفى أهل مصر“.
مضيفا: “أنا مبسوط، وشكرا لكل حبايبي اللي شرفوني ونوروني وأدوني هدية حلوة لصالح مستشفى بترجع الابتسامة على وشوش الناس“.
