بأبيات شعر من تأليفه.. طه دسوقي يرثي والده
شدوى ممدوح
حرص الفنان طه دسوقي، على إحياء الذكرى العاشرة لوفاة والده، وذلك من خلال عدة أبيات شعرية من تأليفه.
نشر “دسوقي“ صورة ” تجمعه بوالده الراحل وهو صغير، على موقع تبادل الصور والفيديوهات “إنستجرام“، وكتب:
زود على سنين الغياب سنة
ونقصها من الانتظار لأجل اللقا
شوف يا حاج ميت بقالك كام سنة؟
ولسه سيرتك لما تيجي الناس تعيط من الوجع
وأنا عيني تلمع وابتسم، وأقولها كده وأنا بترسم
محمود دسوقي يبقى أبويا
عارف لو سيبتلنا قرش كان زمانه أوام خلص
والله لو سيبتلنا قصر كانت حيطانه إتشققت
ويجيله يوم ويترفص لكن سيرتك مهما عدى سنين عليها
ولا يوم هتقتدم ولا تتنسي، ولا يتزهق يوم منها
سيبت سيرة طيبة عايشين في فدادين ضلها
تعيش يا حاج في كل حاجة حلوة مني عملتها
وأعيش أنا بكل حاجة حلوة فيك أنا خدتها
وهنتقابل أكيد، كل حاجة في وقتها
تعيش يا حاج ولا يوم تغيب
في كل خير طالع من أمي وخواتي وأخويا
وأنا مش هموت غير لما أسيب سيرة تشبه سيرة أبويا
View this post on Instagram
يذكر أن آخر أعمال الفنان طه دسوقي، مشاركته في مسلسل “موضوع عائلي”، وهو البطولة الأولى المطلقة للفنان ماجد الكدواني، ويتكون من 10 حلقات فقط، حيث يدور في إطار كوميدي اجتماعي تشويقي.
من تأليف محمد عز وكريم يوسف وأحمد الجندي وسامح جمال، وإخراج أحمد الجندي. ويشارك في البطولة أمينة خليل ورنا رئيس ومحمد شاهين.