"مقاليش لما يمشي أعمل إيه!".. إيمي طلعت زكريا تستعيد نصيحة والدها
شاركت إيمي طلعت زكريا، صورة مع والدها الفنان الراحل طلعت زكريا، وقصت موقف إنساني جمعها به قبل رحيله.
كتبت إيمي عبر صفحة والدها الرسمية على “فيس بوك”: “كنت بمر بحالة نفسية وحشة وكانت الصورة دي بعد خروجي من المستشفى، خرجنا أنا وبابا وإحنا قاعدين لقيته بيقولي عايز أقولك كلمتين.. (طول ما أنا عايش اوعي تزعلي على حاجة ولا من حاجة في الدنيا ولا يهمك من أي حد)”.
نرشح لك: شارك معه في عمل وحيد.. محمد مهران يتحدث عن حبه لـ عادل إمام
تابعت: “وفعلا من بعدها كنت قوية وحاسة أن ورايا ضهر وسند بيخاف عليا ورميت ورا ضهري كل حاجة مضيقاني وقولت طول ما بابا عايش مفيش حاجه هتكسرني، بس هو مقليش لما يسبني ويمشى أنا هعمل إيه، بس إن شاء الله هو في مكان أحسن بكتير من هنا ربنا يرحمك يا أغلى الناس فعلا الأب سند وأمان”.
يذكر أن آخر أعمال إيمي طلعت زكريا، مشاركتها في مسلسل “عودة الابن الضال” من بطولة بيومي فؤاد وعبير صبري وخالد منصور وأميرة هاني وإيمان السيد، تأليف أمين جمال ومحمد أبو السعد، إخراج أحمد عبد العال.