ناهد رشدي للفنانين: حياتكم مش ملككم
شروق عبد الحميد ناهد رشدي
وجهت الفنانة ناهد رشدي، رسالة للفنانين، كما انتقدت أفعال بعض الممثلين الصاعدين أثناء التصوير من حيث التعالي والكبرياء في موقع التصوير، والتعامل كأنهم أبطال.
قالت “رشدي” خلال استضافتها في حلقة اليوم الأربعاء من برنامج “الستات” مع الإعلاميتان مفيدة شيحة وسهير جودة على قناة “النهار”، إن الفنانين هم قدوة لكثير من الشباب وبالتالي يجب عليهم مراعاة أفعالهم وتصرفاتهم لأنها مشاع للجميع ولا يصح لهم أن يفعلوا أمور خاطئة تحت شعار حياتهم الخاصة لأن كثير من متابعينهم ما يقوم بتقلديهم.
نرشح لك: شاهد.. صلاح عبد الله يحتفل بعيد ميلاد علاء الشربيني
كما وجهت لهم رسالة، قائلة: “أنت نجم فأنت قدوة، محدش يقولي دي حياتي الشخصية، أنا مش بتكلم على التمثيل ماليش دعوة بيه أنت ممكن تكون بتمثل دور شر مثلا بس ده تمثيل مش حقيقة، لكن في حياتك لازم تبقى قدوة لأن الشباب هيقلدوك في لبسك وشكلك وبتاكل ايه وتشرب ايه، فأنا بقولهم انتبهوا لكل تفاصيل حياتكم علشان مش ملككم”.
من ناحية أخرى انتقدت “رشدي” أفعال بعض الممثلين الصاعدين أثناء التصوير، مردفة: “فيه واحدة أنا مش فاكرة اسمها وبتقول أنها مثلت كتير وعملت أدوار بس عملت إيه أنا مش عارفة وبتعامل الناس كأنها نجمة وبتتعالى على الكل، وكانت البطلة وقتها ياسمين صبري”.
تابعت: “وياسمين في اللوكيشن بني آدمة تانية خالص لذيذة، وأمورة وطيبة ومتواضعة جدا رغم أنها بطلة العمل، يعني لما تبقى هي البطلة ويقعدوها في الدور التاني وتقول حاضر وأنا قاعدة تحت والبنت دي تحت أنا اتكسفت لياسمين وبردو ما اتكلمتش، فا لما اكون أنا مش عارفة أنتِ مين وبتتعملي بعجرفة، أنا مش زعلانة منها بس ليه”.