دنيا سمير غانم: فخورة بتكريم بابا وماما في كل مهرجان
أعربت الفنانة دنيا سمير غانم، عن سعادتها بمهرجان القاهرة للدراما في دورته الأولى، لافتة: “بقلنا كتير جدا معندناش مهرجان للدراما“.
أضافت “غانم“ خلال خلال لقائها مع الإعلامي رامي رضوان عبر قناة “dmc” على هامش تغطيته لحفل افتتاح مهرجان القاهرة للدراما: “عندنا كذا مهرجان للسينما لكن بقالنا كتير معندناش مهرجان قوي للدراما فمبسوطة إن الدراما رجع يكون ليها مهرجان يهتم بالمسلسلات عشان أنا شايفة الفترة دي إن المسلسلات بقى عددها أكتر“.
نرشح لك: فادية عبد الغني: أتمنى أن يصبح مهرجان القاهرة للدراما تقليدا سنويا
كما أشادت بمجهود الفنان أشرف زكي، مشيرة: “من أجمل الحاجات كمان إن الرئيس هو الدكتور يحي الفخراني دي حاجة مخلياني مبسوطة أوي، ومن أكتر الحاجات اللي فرحتني إن في تكريم لبابا وماما وإن الناس على طول فكراهم في أي مهرجان بيتعمل سواء صغير أو كبير لازم يكون ليهم تكريم دي حاجة كبيرة أوي عندي ويا رب يكونوا حاسين بالحب ده”.
وعن أعمالها المقبلة لفتت “غانم“ إلى: “عندي مسرحية هيبدأ عرضها في أول شهر أكتوبر، ومبسوطة جدا بيها عشان فيها نجوم لُذاذ والناس كلهم بتحبهم وهي من إخراج دكتور خالد جلال، وانا دلوقتي في مرحلة إني بدور على ورق لرمضان 2023 وإن شاء الله ألاقي ورق حلو لمسلسل”.
كانت الفنانة دنيا سمير غانم، قد طرحت أغنية جديدة عبر قناتها الرسمية على موقع “يوتيوب” بعنوان “نحنوح”.
أغنية “نحنوح” من كلمات عليم، وألحان عزيز الشافعي، وتوزيع أحمد عادل.
ويُذكر أن آخر أعمال الفنانة دنيا سمير غانم هو فيلم “تسليم أهالي” وتشارك دنيا سمير غانم في بطولة الفيلم مع كلا من هشام ماجد وبيومي فؤاد ويعد الفيلم آخر أعمال والدتها النجمة الراحلة دلال عبد العزيز، وهو من تأليف شريف نجيب وإخراج خالد الحلفاوي، ويضم العديد من النجوم.