"موسى" عن مرشحة "حزب النور" المنتقبة: ده كدة برلمان طالبان! - E3lam.Com
شن أحمد موسى مقدم برنامج “على مسئوليتي” هجوماً حاداً على إحدى المرشحات للانتخابات البرلمانية القادمة، على قائمة حزب النور بدائرة رشيد، لوضع صورتها في الدعاية الانتخابية لها وهى منتقبة، مشبهاً ذلك بـ “برلمان طالبان”.
وتسائل موسى خلال حلقة اليوم من برنامجه الذي يُعرض على قناة صدى البلد قائلاً: “السيدة اللي اسمها أم قيصر دي اسمها الحقيقي ايه يافندم؟، ووالدها اسمه ايه؟ ولا مفيش اسم أب أو أسم عيلة؟، ومين القيصر ده؟”.
وأضاف: “انا اعرف إزاي ده راجل ولا ست، طب ازاي هتمثلني، ازاى أعرف ان السيدة دي هى البني آدم اللي هيبقى في البرلمان، هتمارس سياسة ازاي من خلف الستار… ده كدة برلمان طالبان، لأن برلمان طالبان بس اللي كان بيحصل فيه كده”.
وتابع “موسى” هجومه على المرشحات المنتقبات على قوائم حزب النور قائلاً: “يا يدخلوا الانتخابات ونشوف وشهم يا يقعدوا في بيوتهم، واوعى حد يدخل الدين في الحتة دي، احنا نعرف الدين أكتر منكم، ودي مش مصر ولا تمثلنا… وأنا بقول للناخب خلي بالك أوعى تقع في الفخ تاني، اوعى تنتخب حد متعرفوش، واحنا دورنا ننور شعبنا”.
نرشح لكم: أحمد موسى لسكان قطاع غزة: انزلوا الشوارع
