بسبب عمرو دياب.. مصطفى كامل لـ عمرو مصطفى: نكران الجميل وحش
وجه الفنان مصطفى كامل، رسالة للفنان عمرو مصطفى، بسبب هجوم الأخير على الهضبة عمرو دياب قائلًا: “نكران الجميل وحش”، مؤكدًا أن “مصطفى” ينكر فضل عمرو دياب عليه.
أضاف “كامل” خلال حواره مع الإعلامية أسما إبراهيم، في برنامجها “حبر سري“، المذاع على “القاهرة والناس”، أنه لا يصح ما يصرح به عمرو مصطفى ضد عمرو دياب قائلًا له: “اوعى تنسى إنك كنت بتيجي الاستوديو وأنا موجود عشان تيجي في قعدة قاعد فيها عمرو.. أنا شوفتك في الاستوديو لما كنت بتيجي لمجرد إنك تكون قاعد في قعدة هو قاعد فيها”.
نرشح لك: مصطفى كامل: أرفض دخول بنتي الوسط الفني.. التمثيل كلام فاضي
ووجه له نصيحة، بأن من سوف يساعدهم في مسيرتهم سوف يردون له نكران الجميل الذي يفعله مع عمرو دياب قائلًا: “مهم جدًا تعرفي انتي بتتكلمي مع مين؟ عمرو دياب في حتة تانية خالص، في ناس وأسامي مينفعش حتى لو اختلفت معاه أطلع اتكلم معاه كده.. عيب كده، وخلي بالك هتلف السنين وهيفضل عمرو دياب وناس تانية مش هتبقى موجودة”.