إلهام شاهين: وثقت طلب التبرع بأعضائي بعد وفاتي في الشهر العقاري

كشفت الفنانة إلهام شاهين، أنها وثقت توكيل رسمي يفيد بتبرعها بأعضائها بعد وفاتها، في الشهر العقاري، مؤكدة أن ذلك “خير”، وتدعو له، لافتة إلى أنها أوصت أشقائها بذلك؟

أضافت “شاهين” خلال مداخلة هاتفية مع قناة “الشمس“: “الأعضاء دي هتموت معانا يعني هتخلص، ليه محدش يستفيد بيها؟ ترحمه من الآلام والعذاب، تخليه يعيش الفترة اللي هيعيشها بدون ألم”.

نرشح لك: إلهام شاهين عن التصوير بجنازات الفنانين: إحنا مش فرجة

أكدت الفنانة أن كافة رجال الدين الذين استمعت إلى آرائهم في موضوع التبرع بالأعضاء قالوا إنه حلال.

وعن رجال الدين الرافضين له قالت: “الأكيد إن ربنا مش ممكن يحرم شيء إنساني يرحم البشر من الألم، لا يمكن أصدق، في أشياء العقل والمنطق نفكر بيها، إيه اللي هيضر الإسلام بعد ما يموت إن تتاخد الأجزاء دي، أنا خلاص مت هعمل بيهم إيه؟ أي شيء إنساني يساعد الآخرين لازم يكون حلال”.

كما أكدت أن الدولة أقرت قانون التبرع بالأعضاء منذ سنوات، ولكن يجب أن تفعله، لكي يسهل خطوات نقل الأعضاء من المتبرعين بعد وفاتهم، معلقة: “لو مت دلوقتي عايزة أتبرع بس مش هيعرفوا يعملوا ايه؟ فلازم الدولة تنسق ده”.