جلا هشام: عملت برنامج على السوشيال ميديا عشان الناس تعرفني

جلا هشام
شدوى ممدوح

قالت الفنانة جلا هشام، إنها لم تدرس التمثيل في معهد الفنون المسرحية بل تعلمته في ورش خاصة به، لافتة إلى أنها أخذت حوالي 6 ورش تمثيل.

أضافت “هشام“ خلال لقائها مع برنامج “اسألني“، المذاع عبر قناة “cbc“، أنها في الأصل تخرجت في كلية الإعلام، وحصلت في الثانوية على نسبة 101% ، وكان هذا سبب رفض أهلها دخولها إلى العالم التمثيل، مشيرة: “بابايا قالي لو طلعتي ممثلة فاشلة هتبقى دي دراستك يعني؟ ادرسي حاجة تانية عشان لو غيرتي رأيك في موضوع التمثيل“.

تابعت أن والدتها من أكبر المشجعين لها، مشيرة إلى أن لديها أخت تصغرها في السن، مضيفة: “مواصفات النجومية إن الشخص يكون قريب جدا من الناس وحقيقي ومش بيكذب ويبقى بيشتغل على نفسه جدا ويكون متنوع.. نفسي أعمل أدوار في السينما مش شبهي وأكتر حاجة نفسي أعملها هو الأكشن زي بتاع بره“.

أردفت أن أكثر ما يميز شخصيتها أنها لا تفكر كثيرا، مشيرة: “مش بفكر والكلام بيطلع مني زي ما هو كده وبتحمل عقواب ده.. أول انطباع الناس بتاخده عني هو إني هبلة ومش فارق معايا إني أغيره لأني مش قصده أعمل انطباع”، أضافت أن أكثر فنان تتمنى أن يظهر معها في صورة أفيش هو الفنان ماجد الكدواني، وأن أكثر فنانة تجذبها ملامحها على الشاشة هي كارمن بصيبص.

تابعت أنها تحب روح الفنان محمد فراج كثيرا، لافتة: “دايما ملامحه باينة عليه وعنده طاقة نضيفة وسالكة، مشيرة إلى أن هناك أدوار لا تقبلها، لافتة: “مش عايزة أعدي من غير ما حد ياخد باله مني وبحس ساعات إن في حد ممكن يجيبني عشان أملى المكان بس اللي هو لو شلتني مش هيبقى في فرق مش عايزة أبقى أشتغل وخلاص، نفسي أوي لما أعمل حاجة تبقى مؤثرة والناس تاخد بالها منها“.

نرشح لك: “القاهرة للدراما” يوضح سبب اختيار “راجعين يا هوى” كأفضل مسلسل كوميدي

أردفت “هشام“ أن رصيدها في التمثيل حوالي 10 أعمال فنية، لافتة إلى أن مسلسل “خلي بالك من زيزي“ أعطى لها شهرة واسعة بين الجمهور، مضيفة: “أكتر ملفتة في أمينة خليل هي كاريزمتها ببقى عايزة أشوفها على طول وهي بتعمل أي حاجة“، مضيفة أنها تؤيد مناقشة قضايا جريئة من خلال الأعمال الفنية، مشيرة: “عايزة الناس تبدأ تتكلم عن إزاي بيبقى في عنف معين بيتمارس على الرجالة زي ما بيتمارس على الستات عشان بحس إن الراجل لازم يكون دايما جامد وبيضرب“.

أكملت أن هناك نوع من العنف العاطفي الذي يمارس ضد الرجل منذ طفولته، مشيرة: “زي إنه ماينفعش يعيط أو ماينفعش يكون حساس أو إنه يكون حنين بشكل معين أو يسمع ويشوف أفلام وأغاني معينة.. أنا بشوف إن في عنف بيتمارس بشكل عاطفي في العلاقات بس مفيش راجل هيقول مراته هزقته أو كلمته بطريقة توجعه فيتصرف بشكل عنيف أو مش هيتكلم“.

لفتت إلى: “مواصفات فارس أحلامي بتتغير كل شوية لكن أنا عايزاه يكون عطوف وحنين مع الحيوانات والبني آدمين“، مضيفة: “بعد كل ريد كاربت في مهرجان الجونة كنت بعيط في الأوضة وكنت بتوتر أوي ومكنتش لابسة حاجة ملفتة أوي بس الناس لازم تدقق ومكنتش عارفة أعمل إيه، وكنت مضايقة جدا عشان مش عايزة حد يضايق مني“.

أردفت أن أكثر ما يميز الفنان يحيى الفخراني، أنه مجتهد جدا في عمله، مشيرة: “بيركز أوي أدق تفاصيل الحاجة وبيعمل تفاصيل مش ببقى مصدقة هو عملها إزاي“، لافتة: “أنا عملت برنامج على السوشيال ميديا عشان الناس تعرفني لأني مش بتفاعل عليها، وانا عامة مش بحب التكنولوجيا وعمر ما كان عندي فيسبوك والإنستجرام عملته مؤخراً لما عملت (لمس أكتاف)“، مضيفة أنها قامت بضرب العديد من الرجال في الشارع لمضايقتها.