سما المصري لسمير صبري: أنت مسمينك سمير بلاغات - E3lam.Com
هاجم المحامي “سمير صبري”، الفنانة الإستعراضية “سما المصري”، خلال إستضافتهما في برنامج “العاشرة مساءً”، المذاع علي قناة “دريم”، بسبب تقديمها لأوراق ترشحها للإنتخابات البرلمانية.
وهاجم صبري خلال الحلقة : أنا أبن الجمالية لمدة 56 سنة، أصابني الهلع لما عرفت إن سما المصري مرشحة نفسها في الدائرة، وأسف و انا بقول سما المصري، مش عارف أوصفها بإيه، وبعدين أنتي مين يعرفك في الجمالية، اللي يعرفك بيشوف الشبشب، أنا عايز أفهم برنامج.
واستكمل صبري : اللي بيحبوا كليباتك بس هما اللي هيدوكي صوتهم، البرلمان مش هيبقي الراقصة والطبال، و ورق الطبال تم إستبعاده اليوم. في إشارة لأحمد عز.
ونشبت مشادة كلامية حادة بين المحامي سمير صبري، وسما المصري قائلاً : هتقدميلنا إيه في البرلمان ؟ أضربني بالشبشب ؟ وردت المصري : يا عم سبني أتكلم، ده أنت غريب أوي، متتكلمش معايا بالطريقة دي، مبيكلش معايا الجو ده، مسمحلكش تتكلم في أخلاقي، وإتفرجت ليه عليه لما أنت شايفني كدة، أنا مطربة مش راقصة، أنا عضوة في نقابة موسيقيين وتقدر تتأكد”.
ورد صبري : “إتفرجت عليكي عشان أبلغ عنك، ولكني لا أعترف بيكي كفنانة أو مطربة”، وردت سما : “أنا مش معترفة بيك كمحامي، ده أنت مسمينك سمير بلاغات”، ورد صبري : “ده شرف ليا إنك مش معترفة بيا”.
وفي مداخلة هاتفية لسيدة تدعي “ولاء” من سكان الجمالية قالت : لو سما المصري نزلت الجمالية هتطلع مضروبة، ده إحنا بنتعايب دلوقتي وبيتقلنا يا بلد الراقصة.
فيما طالبت الصحفية وإحدي سكان حي الجمالية تدعي “شيماء جلهوم”، ترك الحكم للصندوق يختار قائلاً : مفيش ملايكة علي الأرض، وكل مرشح له نقطة سوداء.