وفاء مكي: ابني مريض بالسكر ولأجله أرفض الزواج
قالت الفنانة وفاء مكي، إنها ترفض الزواج مرة أخرى بعد وفاة زوجها والد ابنها، وذلك بسبب انشغالها بتربية نجلها عمر ورعايته.
تابعت “مكي” خلال لقائها مع الإعلامية ياسمين عز في برنامج “كلام الناس“، المذاع عبر قناة “mbc مصر”: “أنا اتجوزت مرة واحدة والد عمر وبس، وبعد وفاته متجوزتش حد لأن أنا عمر ابني عندي بالدنيا الحمدلله، ومعنديش استعداد أتجوز جوازة وما أحسنش الاختيار ويبص لابني بصة تزعله”.
نرشح لك: أحمد السعدني: تعبت من الشائعات وبفكر أعيش زي والدي!
أضافت أن مرض ابنها بالسكر جعل لحياتها ظروف وأسلوب خاص، وروتين اعتمدته واعتادت عليه في حياتها مع ابنها.
كما تحدثت عن أزمة سجنها، قائلة: “قلبي بيوجعني على طول بسبب المواضيع دي، مفيش حاجة مستاهلة إنك تهيني حد وتبهدليه، بس أنا دلوقت قافلة بابي عليا ومبسمعش لحد”.
أردفت: “وأنا مشكلتي في الحياة إني مستقيمة، والزمن ده مش عاوز كده، وأنا لا بعرف أنافق ولا عارفة أعيش في الزمن ده، أنا عاملة زي القطر عشان كده أنا بقيت في حالي بدل ما أقول أي حاجة وياخدوها عليا، وبالرغم من اللي حصل لسة عندي حد بيساعدني في البيت”.