زينة: معنديش وقت للحب

قالت الفنانة زينة، إنها تكره الأشخاص الحيادين، لأنها تراهم ظالمين، موضحة أنها تعلم أولادها ألا يكونوا حيادين، فيجيب أن يكون لديهم موقفا ما تجاه الأمور، لأنها ترى الحيادي شخص ظالم ومنافق.

أشارت “زينة” خلال برنامج “أسرار النجوم” المذاع عبر راديو “نجوم إف إم” وتقدمه الإعلامية إنجي علي، أنها ليست امرأة قوية ولكنها “جدعة”، مشيرة إلى أنها لا تكذب على نفسها أبدا، موضحة: “أنا مش قوية أنا جدعة مع نفسي وواضحة وصريحة ومبكدبش على نفسي ولا بحط نفسي في حاجة معرفش أعملها.. كل الناس اللي حواليا بثق فيهم لأني مش سايبة حد حواليا مبثقش فيه”.

نرشح لك: نادية الجندي: غادة عبد الرازق ظلمت نفسها بتمثيلها في “الباطنية”

أوضحت: “أنا مقيمش مشواري الفني الناس هي اللي تحكم.. معنديش قصة حب لأني معنديش وقت، ومعنديش حاجة أديها لحد اللي عندي مدياه للي عندي، هبقى بظلم أي حد لأني مش هديله حقه ولا قيمته ولا أي اهتمام، لأن الاهتمام رايح في حتة معينة خلاص”.

أردفت: “ابني سمع برنامج كانوا بيقولوا لي لازم تتجوزي ونفرح بيكي، قالي هما إزاي يتدخلوا في خصوصياتك وحياتك! قلت له هما عايزيني أتجوز عشان أبقى مبسوطة، قالي هو أنتي مش مبسوطة؟ قلت له لا أنا مبسوطة أوي، قالي قولي لهم إنك مبسوطة معانا ومحدش هيقولك الكلام ده تاني”.

يشار إلى أن آخر أعمال زينة، مسلسل “الليلة واللي فيها” بطولتها مع محمد شاهين، ومغني الراب أبيوسف، وسماح أنور، وهو من تأليف محمد رجاء وإخراج هاني خليفة، والمسلسل مكون من 6 حلقات، وتم عرضه عبر منصة “شاهد”.