ياسمين عز: "بوز" الست في البيت سبب خيانة الرجل
قالت المذيعة ياسمين عز، إنها ترى أن السبب خلف خيانة الزوج، هو “بوز” الزوجة وشكواها المتكررة وعدم اهتمامها به.
تابعت “عز” خلال حلقة اليوم الجمعة من برنامج “كلام الناس“، المذاع عبر شاشة “mbc مصر”: “ليه معظم الستات بتتغير بعد الجواز؟.. طبيعي بعد كده إن الراجل لما يروح الشغل ويلاقي واحدة بتبتسم له يعجب بيها، وترجعوا تسألوا الرجالة عينها زايغة ليه؟ مهو شايف بوز أد كده طول النهار قدامه، وبدل ما تسأله عملت إيه في يومك النهارده، تفتح سارينة الشكاوي زي الشكاءة البكاءة”.
نرشح لك: محمد نجاتي: إنك تعمل ترند أهم من إنك تعمل مسلسل!
أضافت: “ده لو مرجعش البيت لقاها نايمة وبعتاله رسالة تقوله اشتريلك حاجة تاكلها وأنت جاي، فين أيام ما كانت الست بتدي لجوزها الحتة الكبيرة من الفرخة وتاكل الباقي هي وعيالها!”.
فيما كانت ياسمين عز ردت مؤخرا على انتشار صورها القديمة على السوشيال ميديا، قائلة: “في تسريبات وصور تلاقيهم كاتبين عليها “تنشر لأول مرة وشاهد قبل الحذف”، ولما تدخل تلاقيها سكرينات من فيديوهات قديمة متاحة بقالها مئات السنين على يوتيوب”.
أردفت: “ده مش سر ولا تسريبات ولا انفراد.. مش مستاهلة الحفلة دي، وهنا يحضرني مثل “اللي متعرفش ترقص تقول الأرض معووجة”.