شاهد.. قصة سيدة تاهت وهي طفلة وعثرت على أهلها بعد 50 عامًا

عرض برنامج “صباح العربية” على قناة “العربية” تقريرًا عن سيدة تاهت من أسرتها وهي طفلة وعثرت عليهم بعد 50 عامًا.

السيدة تدعى رضا، وكانت تبحث عن أسرتها على مواقع التواصل الاجتماعي، إلى أن نجح أحد الصحفيين في إيصالها بوالدتها وشقيقاتها.

نرشح لك: شاهد.. مذيعتا “صباح العربية” تخضعان لـ فحص كورونا السريع على الهواء

وعلقت والدة رضا على عثورها على ابنتها قائلة: “واحد جالي بليل قالي بنتك مماتتش دي عايشة، قلتله بتجدد عليا المر تاني؟ بنتي ماتت وأغمى عليا مصدقتش، تاني يوم بعد صلاة الفجر جماعة جولي قالولي مش كنتي بتقولي ليكي بنت غرقت وماتت، قلتلهم أيوة، قالولي لأ دي عايشة، بعت لإخواتي وبنتي قلتلها أختك عايشة مماتتش”.

أضافت: “كان في علامة في جسمها وهي صغيرة صينية الشاي اتكبت عليها، عرفتها منها، وعرفتها وهي بتتكلم معايا، وقالت أسامي أخواتها وإنها كانت بتروح البحر مع أبوها، وصدقت إنها بنتي لما قالتلي ده عشان كانت بتروح مع أبوها تصطاد سمك”.

تابعت: “هي افتكرت القطر لعبة هي والعيال وركبته وسحب بيها ومشت، وأنا معرفش كنت بدور في البلاد والبحر والمقابر أكتر من 4 سنين بدور عليها، وعفش بيتي بيعته عشان ألاقيها، وملقتش حاجة تطمني إنها عايشة”.

من جانبها قالت السيدة رضا إنها سعيدة للغاية للعثور على أسرتها، ولكنها كانت تتمنى أن ترى والدها لشدة تعلقها به، ولكنه توفي.