ياسمين عز ردا على الانتقادات: "بنام ضميري مرتاح"
ردت الإعلامية ياسمين عز، على الانتقادات التي وجهت لها عقب آخر تصريحات لها عن تعامل الزوجة مع الزوج، لافتة إلى أنها تدعو من خلال برنامجها إلى السكينة والمودة ولن تغير ذلك.
قالت “عز” خلال برنامجها “كلام الناس” على شاشة ” mbc مصر”: “إحنا في بيوتنا زينا زيك بالظبط، بنقول حاضر ونعم، بالأصول زي ما اتربينا وزي ما شوفنا أهلنا كانوا بيتعاملوا مع بعض إزاي”.
نرشح لك: رضوى الشربيني: مابخافش غير من ربنا!
أشارت إلى أنها ضد أن تفعل كما يفعل البعض وأن تظهر على الشاشة وتدعو إلى كلام غير ما تفعله في الحقيقة.
أردفت: “متتخدعيش لما تكون البنت غنية وحلوة ومشهورة وكل يوم بتشوفيها على الشاشة لابسة وعاملة ميكياج وشعرها تفكري إنها مميشة الكون على مزاجها”.
أكدت على أنها تنام الليل وضميرها في حالة سكينة لأنها تدعو إلى السكينة والمودة والتقدير والاحترام مشيرة إلى أنها من المستحيلات أن تتغير وتفعل العكس.
أكملت: “عمري ما هنام وأنا شايلة ذنب إني سخنتك وقومتك على جوزك وخربت بيتك بكلامي وأنا قاعدة برة عايشة حياتي بالطول والعرض متستنوهاش مني”.
في سياق آخر قالت المذيعة ياسمين عز، إنها ترى أن السبب خلف خيانة الزوج، هو “بوز” الزوجة وشكواها المتكررة وعدم اهتمامها به.
تابعت “عز” خلال برنامج “كلام الناس“، المذاع عبر شاشة “mbc مصر”: “ليه معظم الستات بتتغير بعد الجواز؟.. طبيعي بعد كده إن الراجل لما يروح الشغل ويلاقي واحدة بتبتسم له يعجب بيها، وترجعوا تسألوا الرجالة عينها زايغة ليه؟ مهو شايف بوز أد كده طول النهار قدامه، وبدل ما تسأله عملت إيه في يومك النهارده، تفتح سارينة الشكاوي زي الشكاءة البكاءة”.