صفاء جلال: اخترت أتجوز راجل شرقي وأمشي على هواه

قالت الفنانة صفاء جلال، إن الحياة اختيارات، وكل شخص يختار على حسب أولوياته.

أضافت “جلال” خلال لقائها ببرنامج “كلام الناس” مع الإعلامية ياسمين عز، على شاشة “mbc مصر”، أن كل الخلافات بين الزوجين لها حلول، لافتة إلى أن التقدير والاحترام هو أساس العلاقات.

نرشح لك: أحمد ماهر: لم أتوقع نجاح مسلسل “ريا وسكينة” لهذا السبب

أشارت إلى أنها اختارت أن تكون زوجة وأم ثم يأتي بعد ذلك العمل، مؤكدة على أن هناك الكثير من الفنانات يخترن العكس.

أردفت: “أنا إتجوزت وأنا 24 سنة، واخترت اتجوز راجل شرقي، وأمشي على هواه هو، وأمشي على حسب هو بيحب إيه، هو كمان بيحاول يعمل كل حاجة عشان يبسطنا.. لما بعمل شغل بعمله كويس جدا بس يكون ميأثرش على حياتي أو بيتي دي أهم حاجة عندي”.

أكملت: “بس فيه رجالة وحشة كتير، أنا 90% من صحابي مطلقات، ستات عادية مش ممثلات ولا حاجة لأنهم معرفوش يتوافقوا مع بعض”.

في سياق آخر تحدثت الفنانة صفاء جلال، عن خضوعها لعمليات مختلفة للتخسيس والتخلص من السمنة، محاولة منها الوصول لوزن مناسب لشكلها.

قالت “صفاء” خلال لقائها مع المذيعة ياسمين عز في برنامج “كلام الناس”، المذاع عبر شاشة “mbc مصر”: “عملت عملية نحت قوام لأني جيت في فترة تخنت أوي، بس بعدها سيبت نفسي وتخنت تاني فعملت كبسولة المعدة عشان أبطل أكل خصوصا بالليل، ونزلت 15 كيلو بعدها ودلوقتي بكمل في الدايت وبروح الچيم”.

أضافت: “أنا عارفة إن ده مجهود كبير على أي ست بالذات اللي عدوا سن 45، لكن أنا بحاول على أد ما أقدر.. الناس بتتخض لما يعرفوا عشان متعودين على شكلي وأنا رفيعة في المسلسلات القديمة كلها، لكن أنا بحاول على أد ما أقدر أوصل لشكل لطيف الناس تتقبله”.