صفاء جلال: خضعت لأكثر من عملية لإنقاص الوزن
تحدثت الفنانة صفاء جلال عن خضوعها لعمليات مختلفة للتخسيس والتخلص من السمنة، محاولة منها الوصول لوزن مناسب لشكلها.
قالت “صفاء” خلال لقائها مع المذيعة ياسمين عز في برنامج “كلام الناس“، المذاع عبر شاشة “mbc مصر”: “عملت عملية نحت قوام لأني جيت في فترة طخنت أوي، بس بعدها سيبت نفسي وطخنت تاني فعملت كبسولة المعدة عشان أبطل أكل خصوصا بالليل، ونزلت 15 كيلو بعدها ودلوقتي بكنل في الدايت وبروح الچيم”.
نرشح لك: صفاء جلال: اتشتمت أنا وبنتي بعد ما أتحجبت!
أضافت: “أنا عارفة إن ده مجهود كبير على أي ست بالذات اللي عدوا سن 45، لكن أنا بحاول على أد ما أقدر.. الناس بتتخض لما يعرفوا عشان متعودين على شكلي وأنا رفيعة في المسلسلات القديمة كلها، لكن أنا بحاول على أد ما أقدر أوصل لشكل لطيف الناس تتقبله”.
أردفت: “لما بتاخدي قرار العملية بتاخديه وانتي متحملة كل مسئولياته، بس مفيش حد بيلجأ لحاجة صعبة زي كده إلا وهو محتاجها فعلا، لكن أنا مبغيرش في شكلي وخلقة ربنا سبحانه وتعالى إلا لو حاجات بسيطة زي البوتوكس والفيلر”.