عمرو أديب: يجب تغيير خطة مصر للترويج للسياحة

قال الإعلامي عمرو أديب إن مصر يجب عليها تغيير خطتها الترويجية للسياحة لتحقيق مكاسب أكبر منها.

تابع “أديب” خلال حلقة اليوم السبت من برنامج “الحكاية“، المذاع عبر شاشة “mbc مصر”: “إحنا لحد دلوقت كل طموحنا في السياحة إن الناس تيجي وتركب جمل، أيوة طب إيه تاني؟ ده طبعا غير بعض السلوكيات اللي مش هتتطور إلا لما الناس تفهم إن الرزق في السياحة زي أخواتنا اليونانيين واللبنانيين ما فهموا يعني إيه سياحة”.

نرشح لك: عمرو أديب يشيد بفكرة الوجبات المدرسية

أضاف: “السياحة صناعة زي الحديد والأسمنت مفيهاش هزار، السياحة خطة دولة كاملة أول لما السائح بينزل، بتمشي خطوات بشكل حاد وجبار، عشان كده آن الأوان نغير طريقة الترويج للسياحة وهناك وسائل كثيرة لذلك”.

أردف: “لازم يكون عندنا طموح واهتمام أكبر من كده في السياحة، مصر بلد الأمن والأمان والنضافة واللطافة والظرافة، والطرق الجميلة والكباري العظيمة بقت موجودة ونقدر نطلع من حتة لحتة بسهولة، وأحلفكم بالله بطلوا حكاية نجري ورا السايح عشان يركب الجمل دي.. مفيش سايح جه مصر إلا وقال كده”.